Работы па аднаўленні электразабеспячэння вядуцца ў 26 населеных пунктах Мінскай вобласці, паведамілі ў РУП "Мінскэнерга".
Лініі электраперадачы аварыйна адключаліся ў выніку неспрыяльных умоў надвор'я 26 ліпеня ў Барысаўскім, Мінскім, Слуцкім і Стаўбцоўскім раёнах. "Аднаўленнем электразабеспячэння займаюцца 15 брыгад і 22 адзінкі тэхнікі. Па стане на 9.00 працягваліся работы ў 26 населеных пунктах. У бліжэйшы час электразабеспячэнне будзе цалкам адноўлена", - праінфармавалі ў Мінскэнерга.
У Брэсцкай вобласці з-за разгулу стыхіі без электрычнасці застаюцца дзевяць населеных пунктаў, паведамілі на РУП "Брэстэнерга".
У Брэсцкай вобласці 25 ліпеня ў выніку праходжання навальнічнага фронту, які суправаджаўся моцным ветрам, адбылося адключэнне электраэнергіі ў 86 населеных пунктах Баранавіцкага, Бярозаўскага, Брэсцкага, Пружанскага, Пінскага, Ганцавіцкага, Ляхавіцкага, Маларыцкага і Кобрынскага раёнаў. Па стане на 10.00, без электрычнасці застаюцца жыхары пяці вёсак у Пінскім раёне і чатырох - у Кобрынскім. Спецыялісты плануюць аднавіць электразабеспячэнне да 15 гадзін. У ліквідацыі наступстваў непагадзі задзейнічана 41 брыгада і 25 адзінак тэхнікі.
У Мінску за мінулыя суткі выпала 77 мм ападкаў, што складае 87% месячнай нормы. Пра гэта паведаміла намеснік начальніка службы метэаралагічных прагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды Святлана Рыбакова.
У Мінску дождж пачаўся 25 ліпеня прыкладна ў 18.00 і працягваўся на працягу ночы. У перыяд з 21.00 да 6.00 у сталіцы выпала 53 мм ападкаў.
Вот и на море в этом году съездил. #минск [2] https://t.co/stHrQctIiq [3] pic.twitter.com/PHX4EK5ekb [4]
— Dubrovsky Egor (@SpirITzzz) 26 июля 2017 г. [5]
З-за моцнага ліўня былі падтопленыя 14 участкаў дарог. У сувязі з гэтым адбылося спыненне альбо абмежаванне руху 37 тралейбусных і 22 аўтобусных маршрутаў. Былі падтопленыя ўчасткі: прасп.Партызанскі - вул.Ангарская, пр.Дзяржынскага - пл.Багушэвіча, насупраць вул.Кальварыйская, 29, вул.Арлоўская - ул.Карастояновой, прасп.Партызанскі - ул.Ванеева, насупраць бульвара Шаўчэнкі, 20, насупраць ул.Богдановича, 78, ул.Волгоградского - Лагойскі тракт, насупраць вул. Гарэцкага, 2, вул.Шаранговіча - вул.Лабанка, вул.Прытыцкага - вул.Кунцаўшчына, насупраць вул.Якубава, 48, пр.Пушкіна - вул.Прытыцкага, насупраць пр.Пераможцаў, 20, корп.2.
Работнікі МНС з зон падтапленняў вынялі 8 легкавых аўтамабіляў. Праводзіліся работы па распілоўцы зваліліся дрэў і адпампоўванні вады. Працавала спецыяльная тэхніка ДВА "Гаррамаўтадар", ДВА "МГЖГ", экіпажы ДАІ. Пацярпелых няма. Вядуцца аднаўленчыя работы.
Моцныя дажджы прайшлі і ў іншых рэгіёнах краіны. Так, за мінулыя суткі ў Ганцавічах выпала 53 мм ападкаў, або 58% месячнай нормы, у Баранавічах - 48 мм ападкаў (51%), у Брэсце - 21 мм ападкаў (29%).
У Беларусі з-за непагоды застаюцца без электразабеспячэння 37 населеных пунктаў у Брэсцкай і Мінскай абласцях. Такая інфармацыя размешчана на сайце МНС Беларусі.
Паводле інфармацыі ДВА "Белэнэрга", на працягу мінулых сутак перыядычна парушалася электразабеспячэнне 283 населеных пунктаў. Адключэнні аператыўна ліквідуюцца аварыйнымі брыгадамі.
У выніку праходжання навальнічнага фронту з парывамі ветру да 16 м/с былі пашкоджаны дахі двух жылых дамоў і шасці сельскагаспадарчых будынкаў у двух населеных пунктах Баранавіцкага раёна Брэсцкай вобласці і Клецкага раёна Мінскай вобласці. Акрамя таго, зафіксавана 15 выпадкаў падзення дрэў у Брэсцкай вобласці і два выпадкі ў Мінску.
У Брэсцкай, Мінскай абласцях і ў Мінску былі падтоплены 26 жылых дамоў, 19 прыватных падворкаў і тры адміністрацыйныя будынкі.
Паводле БЕЛТА [6]
Фота sputnik.by [7]
Спасылкі
[1] https://zviazda.by/be/gramadstva
[2] https://twitter.com/hashtag/%D0%BC%D0%B8%D0%BD%D1%81%D0%BA?src=hash
[3] https://t.co/stHrQctIiq
[4] https://t.co/PHX4EK5ekb
[5] https://twitter.com/SpirITzzz/status/890010352548708352
[6] http://belta.by
[7] https://sputnik.by/
[8] https://zviazda.by/be/tags/nepagadz
[9] https://zviazda.by/be/tags/liuni
[10] https://zviazda.by/be/tags/navalnicy
[11] https://zviazda.by/be/tags/dazhdzhy
[12] https://zviazda.by/be/tags/belarus
[13] https://zviazda.by/be/tags/minsk