Папуляцыя пчол штогод скарачаецца, прымушаючы навукоўцаў, пчаляроў і звычайных людзей сур'ёзна асцерагацца непрыемных наступстваў, з якімі чалавецтва можа сутыкнуцца ў тым выпадку, калі карысныя насякомыя канчаткова знікнуць. Таму даследчыкі пачалі шукаць магчымыя шляхі вырашэння гэтай праблемы.
Адзін з варыянтаў прапанавалі даследчыкі з політэхнічнага ўніверсітэта Варшавы — яны распрацавалі робатаў-пчол, здольных самастойна апыляць расліны. Першае пакаленне робапчол стварылі ўжо пару гадоў таму. Тады прылады не ўмелі лятаць і маглі апыляць расліны, толькі перасоўваючыся на колах. Цяпер польскія інжынеры сапраўды змаглі стварыць нешта падобнае на жывых насякомых. Абноўленая версія робапчалы ўяўляе сабой невялікі беспілотны робат, адмыслова распрацаваны для апылення раслін. Працуе ён аўтаномна, амаль не патрабуючы ўдзелу чалавека. B-Drоіds, так называюцца гэтыя беспілотнікі, пакуль знаходзяцца на ранняй стадыі распрацоўкі, але спецыялісты, якія займаюцца іх стварэннем, сцвярджаюць, што ўжо праз год-паўтара яны прадставяць цалкам рабочую версію прылады. Усё б нічога, але гэтыя робаты хутка «стамляюцца» — аднаго зараду акумулятара хапае ўсяго на некалькі хвілін палёту
Іван КУПАРВАС
hvir@zviazda.by [4]
Спасылкі
[1] https://zviazda.by/be/tags/ivan-kuparvas
[2] https://zviazda.by/be/gramadstva
[3] https://zviazda.by/be/navuka
[4] mailto:hvir@zviazda.by
[5] https://zviazda.by/be/tags/robapcholy
[6] https://zviazda.by/be/tags/pcholy
[7] https://zviazda.by/be/tags/robaty
[8] https://zviazda.by/be/tags/dasledavanni