Прэзідэнт Фінляндыі Саўлі Нійнісцё адзначыў, што паўночнаатлантычны альянс не з'яўляецца еўрапейскай арганізацыяй.
Такую думку ён выказаў у апублікаваным інтэрв'ю нямецкай газеце Frаnkfurtеr Аllgеmеіnе Zеіtung.
«Не хачу сказаць што-небудзь супраць НАТА, але нават калі амерыканскі прэзідэнт Дональд Трамп змякчыў сваю крытыку ў адносінах да яе, атлантычны альянс не з'яўляецца еўрапейскай арганізацыяй. НАТА цалкам залежыць ад Амерыкі», — падкрэсліў Нійнісцё.
Прэзідэнт Фінляндыі выказаў меркаванне, што ЕС павінен гарантаваць бяспеку грамадзян, якія ў яго ўваходзяць. «Уласна кажучы бяспека вышэй росквіту, — сказаў ён. — На працягу многіх гадоў мы лічылі, што не павінны пра гэта турбавацца, але цяпер сітуацыя змянілася. Я думаю, што калі б Брусель змог паабяцаць грамадзянам гарантыі бяспекі, гэта было б нашмат папулярней».
Спасылкі
[1] https://zviazda.by/be/u-svece
[2] https://zviazda.by/be/tags/nata
[3] https://zviazda.by/be/tags/zsha
[4] https://zviazda.by/be/tags/sauli-niyniscyo