Міністэрства адукацыі абвясціла пра старт новага сезону конкурсу маладзёжных ініцыятыў

Як паведамляе тэлеграм-канал ведамства, 1 кастрычніка распачынаецца прыём заявак на конкурс маладзёжных ініцыятыў на 2024 год.

Для ўдзелу ў ім неабходныя заяўка з апісаннем мяркуемага выніку ад рэалізацыі маладзёжнай ініцыятывы з тэрмінам рэалізацыі, план рэалізацыі маладзёжнай ініцыятывы, згадванне тэрыторыі, населенага пункту, у межах якога будзе рэалізаваная маладзёжная ініцыятыва, праект каштарысу выдаткаў з яго абгрунтаваннем, палажэнне або канцэпцыя ініцыятывы.

Правядзенне конкурсу і рэалізацыю маладзёжных ініцыятыў ажыццяўляе грамадскае аб’яднанне «Беларускі рэспубліканскі саюз моладзі».

Надзея НІКАЛАЕВА

Прэв’ю: pexels.com