Як праходзіць падрыхтоўка беларускіх вынаходнікаў да «100 ідэй для СНД»

Навучальны інтэнсіў для ўдзельнікаў Міжнароднага маладзёжнага праекта «100 ідэй для СНД» прайшоў у Мінску 19 верасня.

У міжнародным праекце ад нашай краіны прымуць удзел 12 маладых вынаходнікаў, пераможцаў 11-га і 12-га сезонаў рэспубліканскага маладзёжнага праекта «100 ідэй для Беларусі».

Мерапрыемства пачалося з выставы-прэзентацыі, на якой можна было пазнаёміцца з праектамі і паразмаўляць з іх аўтарамі. У экспазіцыі можна было на свае вочы ўбачыць такія інавацыйныя распрацоўкі, як «Энергаэфектыўная спецвопратка», «YACARD (ЯКАРД) — смарт карта», «Рэгулятар росту і імунамадулятар раслін», «HoReCa 3D-food printing», «Сэнсарныя акуляры для людзей са слабым зрокам» і іншыя.

Непасрэдна на самім інтэнсіве вынаходнікі вучыліся прадстаўляць свае распрацоўкі, прасоўваць аўтарскія праекты ў медыяпрасторы і манетызаваць іх.

Нагадаем, што міжнародны фінал «100 ідэй для СНД» пройдзе 18-20 кастрычніка ў Мінску.

Лізавета ГОЛАД

Фота аўтара