Лукашэнка: Беларусі і Расіі трэба выпрацаваць план дзеянняў і яшчэ больш умацаваць ЕАЭС

Беларусі і Расіі трэба выпрацаваць план дзеянняў і яшчэ больш умацаваць ЕАЭС. Пра гэта Прэзідэнт Беларусі Аляксандр Лукашэнка заявіў на сустрэчы з прэзідэнтам Расіі Уладзімірам Пуціным у Сочы, паведамляе БелТА.

«Самае галоўнае, мы ведаем, што рабіць і ў якім кірунку рухацца», — заявіў Аляксандр Лукашэнка.

«І атрымліваецца. Дзякуй богу, атрымліваецца», — заўважыў Уладзімір Пуцін.

«Мы думалі, будзе горш. Але пакуль трошкі лепш, чым мы думалі. І дзякуй богу. І так паціху мы адбудуем нашы адносіны. Я ўжо публічна сказаў на сходзе ў нас сакратароў саветаў бяспекі: мы з Расіяй прадумаем план дзеянняў у гэтай сітуацыі. Спадзявацца на тое, што санкцыі адменяць, яшчэ нешта — нам пра гэта нават казаць не трэба. Нам трэба арыентавацца на свае сілы і на сябе. І калі мы выпрацуем такі план нашых дзеянняў, нашы партнёры абавязкова падключацца. Я ўпэўнены, Казахстан у рамках ЕАЭС і Узбекістан. І створым прывабныя тут умовы. Я ўпэўнены, што наш саюз будзе толькі мацнейшым», — падкрэсліў Прэзідэнт Рэспублікі Беларусь.

Прэв’ю: БелТА