У Нідэрландах у галерэі Маўрыцхейс выставілі чатырохметровую 3D-копію «Дзяўчыны з жамчужнай завушніцай»

У Нідэрландах стварылі чатырохметровую 3D-копію знакамітай карціны галандскага мастака Яна Вермеера «Дзяўчына з жамчужнай завушніцай» і ўсталявалі яе ў фае Каралеўскай галерэі Маўрыцхейс у Гаазе, паведамляе «МИР24».

Копію твора стварылі супрацоўнікі галерэі з дапамогай 3D-прынтара.

Супрацоўніца музея Эбі Вандзівер распавяла, што мэтай стварэння такога палатна было паказаць наведвальнікам не толькі карціну, але і даць магчымасць адчуць яе тэкстуру. «Гэта новы спосаб пазнаёміцца з карцінай, якую ўсе ведаюць і любяць», — адзначыла захавальніца галерэі.

Карціна «Дзяўчына з жамчужнай завушніцай» была намалявана ў 1665 годзе. Яна вядома таксама пад назвамі «Дзяўчына ў турбане» і проста «Дзяўчына». Акрамя таго, яе часта называюць паўночнай або галандскай Монай Лізай. Пра гэта палатно вядома вельмі мала. Па адной з версій, мастак намаляваў уласную дачку Марыю. У адпаведнасці з назвай ўвагу гледача факусуюць на жамчужнай завушніцы ў вуху дзяўчыны. Разам з тым шэраг даследчыкаў ставіць пад сумнеў, што на карціне намаляваная жамчужная завушніца — хутчэй за ўсё, гаворка ідзе пра фальшывы жэмчуг з венецыянскага шкла альбо перламутру.

Прэв’ю: «МИР24»