Чарговае пасяджэнне савета па дэмаграфічнай бяспецы было прысвечана міжведамаснаму ўзаемадзеянню ў пытаннях прафілактыкі п’янства, алкагалізму, выпадковых атручванняў алкаголем, папярэджанню пажараў у жыллёвым фондзе і траўмаў людзей пры пажарах. Таксама разгледжана пытанне рэалізацыі дзяржаўнага прафілактычнага праекта «Здаровы горад (пасёлак)» на адміністратыўных тэрыторыях Брэсцкай вобласці — паведаміла спецыяліст аддзела грамадскага здароўя Брэсцкага абласнога ЦГЭіГЗ Таццяна Гапонік.
Галоўны нарколаг вобласці галоўны ўрач Брэсцкага абласнога наркалагічнага дыспансера Аляксандр Більдзейка зрабіў упор на прафілактыку п’янства і алкагалізму. Першы намеснік Брэсцкага абласнога ўпраўлення МНС Аляксандр Сычоў расказаў аб рабоце па папярэджанні пажараў і надзвычайных сітуацый, прывёў сумную статыстыку гібелі і траўм на пажарах. На пасяджэнні прысутнічалі намеснікі старшынь райвыканкамаў, якія падзяліліся меркаваннямі па пытаннях парадку дня. Удзельнікі нарады былі аднадушныя ў тым, што патрэбна больш шчыльнае міжведамаснае ўзаемадзеянне на шляху пераадолення ўсіх грамадскіх заган, якія прыводзяць да траўмаў альбо нават гібелі людзей.
Святлана ЯСКЕВІЧ
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
