Сёння на стадыёне «Дынама» ў Мінску праходзіць выстава японскіх аўтамабіляў «Japlane 2023».
Свае аўтамабілі прадставілі больш за сто трыццаць уладальнікаў аўтамабіляў, якія не пашкадавалі час і грошы абсталяваць іх на свой густ.
Для ўдзельнікаў выставы і наведвальнікаў падрыхтавана вялікая праграма са шматлікімі конкурсамі і лакацыямі.
— Наша ўстанова — арганізатар сённяшняй выставы сумесна з супольнасцю знатакоў японскіх аўтамабіляў. Падобнае мерапрыемства мы правялі летась, убачылі, што яно цікавае жыхарам і гасцям сталіцы, таму вырашылі яго паўтарыць. Паказальна, што калі ў мінулым годзе было прадстаўлена каля ста рэдкіх аўтамабіляў ад японскіх вытворцаў, то сёння — іх больш прыкладна на траціну, — распавёў чытачам партала Выдавецкага дома «Звязда» генеральны дырэктар дзяржаўнай установы «Нацыянальны алімпійскі стадыён «Дынама» Аляксандр Бут-Гусаім. — Для кожнага ўладальніка — яго аўтамабіль індывідуальны. Культура JDM-цюнінгу ўключае ў сябе мноства розных стыляў і кірункаў, і большасць з іх вы сёння можаце ўбачыць на нашай выставе. Яна будзе працаваць да 22.00.
Віктар ІВАНЧЫКАЎ
Фота: Віктар ІВАНЧЫКАЎ
З пачаткам навучальнага года рэгіструецца і рост захваральнасці на рэспіраторныя інфекцыі.
Як адзначаюць фінансавыя эксперты, рынак жылой нерухомасці выйшаў на беспрэцэдэнтна высокія паказчыкі па колькасці здзелак.
З рэжысёрам «Кіношнікаў» — наша размова пра мары і іх увасабленне ў рэальнасць.
Хто здолее змяніць гісторыю ці змяніцца пад яе ўплывам?
