Толькі 1 чэрвеня можна апынуцца «На прыёме ў Караля», «У гасцях у Снежнай каралевы», на «Кірмашы казак», паспяваць разам з артыстамі вядомыя дзіцячыя песні, пачуць музычную казку Сяргея Пракоф'ева «Пеця і Воўк», разгадаць цікавыя музычныя загадкі, паўдзельнічаць у інтэрактыўных гульнях, здзейсніць «Падарожжа ў свет музыкі і казкі», акунуцца ў «Салодкае жыццё», пабываць у «Майстэрні мастака» і нават стварыць эскіз да спектакля.
А якое ж свята без сэлфі? Гасцей тэатра чакаюць маляўнічыя фотазоны з рэквізітам з дзіцячых спектакляў, а таксама гасціныя з казачнымі персанажамі. Можна пабываць на рэпетыцыях артыстаў, наведаць музычны і танцавальны майстар-класы. І ўсё гэта дазволена фатаграфаваць!
А яшчэ дзяцей і дарослых чакае шоу мыльных бурбалак, ашаноўную публіку пацешаць жанглёры і артысты на хадулях. Завершыцца святочная праграма на пляцоўцы каля галоўнага ўваходу — сваім майстэрствам здзівяць артысты тэатра вогненных і светлавых паказаў.
Кошт білетаў у гэты дзень сімвалічны: для непаўналетніх (да 18 гадоў) — 5 руб., для дзяцей ва ўзросце да 3 гадоў — бясплатна, для членаў шматдзетных сем'яў — 3 руб., для ўсіх астатніх — 7 руб. Білеты можна набыць у дзень свята ў касах тэатра. І майце на ўвазе, што праграма разлічана на пяць гадзін: пачатак у 14.00, завяршэнне ў 19.00.
Ксенія КАВАЛЕЎСКАЯ
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.