Спатрэбіцца: бульба — 1 кг; яйкі — 2 шт.; цыбуля рэпчатая — 1 шт.; кроп, пятрушка, соль, перац, спецыі — на смак; сыр надзёрты — 80 г; сыр лустачкамі — 6 шт.; сухары паніровачныя — 100 г.
Адварваем бульбу ў падсоленай вадзе і ператвараем у пюрэ. Цыбулю рэжам дробнымі кубікамі і абсмажваем на патэльні ў алеі. Кроп і пятрушку дробна сячом. Сыр надзіраем на тарцы. У пюрэ дадаём цыбулю, сыр надзёрты, зяленіва, папрыку і іншыя спецыі на смак. Добра вымешваем масу да аднастайнасці. Фарміруем зразы, унутр кладзём лустачку сыру. Узбіваем яйкі. Акунаем зразы ў яечную масу і паніруем у сухарах. Абсмажваем зразы на алеі з двух бакоў да румянасці.
Падаваць такія зразы добра са смятанай ці з соусам, у якім змешваем смятану і маянэз ці маянэз з гарчыцай. Сыр бярыце любы на свой смак. У якасці начынкі можна да лустачак сыру яшчэ дадаць і кавалачкі вяндліны або здробненую адварную курыцу, абсмажаныя шампіньёны з цыбуляй і морквай.
Спатрэбіцца: селядзец марожаны — 3 шт., морква — 3 шт., цыбуля рэпчатая — 2 шт., часнок — 2 зубкі, воцат 9 % — 200 мл., соль — 1 ч. л, алей — 2 ст. л., соевы соус — 4 ст. л., кунжут — 2 ст. л.
Селядзец размарозіць, пачысціць ад костак і нарэзаць на кавалачкі. Заліць воцатам і пакінуць на 30 хвілін.
Цыбулю нарэзаць паўкольцамі, моркву надзерці на тарцы для карэйскай морквы. Часнок пачысціць і прапусціць праз прэс.
Зліць з селядца воцат (можна адкінуць на друшляк, а можна зліць праз край, каб трохі воцату засталося). Затым дадаць да селядца цыбулю, моркву, часнок, алей, соевы соус, соль і кунжут. Усё добра змяшаць і паставіць на пару гадзін у халадзільнік. Селядзец «ХЕ» гатовы!
Спатрэбіцца: тварог — 400 г, яйкі — 2 шт., цукар — 2 ст. лыжкі, манныя крупы — 3 ст. лыжкі, смятана — 2 ст. лыжкі, разрыхляльнік — 1 пакуначак, ванільны цукар — 1 пакуначак, цэдра паловы лімона. Для ягаднай падліўкі: 200 г ягад (клубніцы, маліна ці іншыя, можна замарожаныя), 1-2 ст. лыжкі цукру (залежыць ад ягады).
Добра ўзбіць яйкі з цукрам і ванільным цукрам да павелічэння ў аб'ёме ў 3 разы. Не спыняючыся ўзбіваць, дадаць тварог, разрыхляльнік і манку, цэдру лімона.
Форму для выпечкі прамазаць маслам і абсыпаць з усіх бакоў манкай або здробненымі сухарамі. Выкласці ў яе тварожную масу, прамазаць зверху смятанай і адправіць у разагрэтую да 180 градусаў духоўку на 40—50 хвілін.
Прыгатаваць ягадную падліўку. Ягады здрабніць у блэндары ў пюрэ. Працерці пюрэ праз сіта. Дадаць да яго цукар і награваць да растварэння цукру. Астудзіць.
Запяканку нарэзаць парцыённымі кавалачкамі, шчодра паліць ягаднай падліўкай.
Добрая запяканка і без ягаднай падліўкі, проста са смятанай або ёгуртам.
Гэта ажурнае пано, зробленае на металічным каркасе з тоўстага дроту, да якога дроцікам прымацавана выява. Можа, гэта садовая німфа, а можа, гаспадыня сядзібы.
Калі ў вас ёсць старая люстра з празрыстымі пластыкавымі ці шклянымі падвескамі, можаце зрабіць сабе такую прыгажосць. Дадзены варыянт зроблены з палівачкай — пацеркі або падвескі мацуем на дрот, яго прасоўваем у носік палівачкі і замацоўваем на ўнутраным канцы дроту цвік — ён будзе ўтрымліваць наш струмень з пацерак.
Колькасць пацерак залежыць ад памераў палівачкі — калі яна вялікая, іх павінна быць досыць шмат, каб можна было бачыць здалёк. Лейку можна падвесіць на дрэва ці замацаваць на прут пасярэдзіне клумбы.
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
