Канцэпцыя забеспячэння бяспекі дарожнага руху зацверджана ў Беларусі. Адпаведная пастанова Савета Міністраў нумар 329 ад 22 мая апублікавана на Нацыянальным прававым інтэрнэт-партале, паведамляе БелТА.
У канцэпцыі вызначаны асноўныя напрамкі павышэння бяспекі дарожнага руху (БДР) у Беларусі і меры па скарачэнні колькасці дарожна-транспартных здарэнняў, зніжэнні цяжкасці наступстваў ДТЗ, у тым ліку па змяншэнні колькасці загінулых і траўміраваных, мінімізацыі забруджвання навакольнага асяроддзя і ўплыву іншых негатыўных фактараў, звязаных з дарожным рухам.
Як падкрэсліваецца ў дакуменце, павышэнне БДР, накіраванае на захаванне жыцця і здароўя людзей, іх маёмасці — адзін з прыярытэтных напрамкаў дзяржпалітыкі ў галіне дарожнага руху і забеспячэння яго бяспекі, а таксама важны фактар устойлівага сацыяльна-эканамічнага развіцця краіны.
Адзначаецца, што ў Беларусі за 10 гадоў (з 2013 па 2022 год) адбылося 37 625 ДТЗ, у якіх загінулі 6111 чалавек, яшчэ больш за 39 тыс. чалавек атрымалі раненні. У 2022 годзе зафіксавана 3186 ДТЗ, якія забралі жыцці 466 чалавек, траўмы атрымалі 3384 чалавекі.
«З 2011 па 2022 год назіраецца паступальнае зніжэнне паказчыкаў дарожна-транспартнай аварыйнасці. У параўнанні з 2011 годам колькасць ДТЗ скарацілася ў 1,8 раза, колькасць загінулых — у 2,5 раза, колькасць параненых — у 1,8 раза», — гаворыцца ў дакуменце.
У ліку асноўных пагроз БДР называюцца слабаабароненасць удзельнікаў дарожнага руху — пешаходаў, веласіпедыстаў, невыкананне ПДР нявопытнымі вадзіцелямі, парушальнікамі рэжыму руху, матацыклістамі і іншымі ўдзельнікамі, недаацэнка імі рызык, нездавальняючы стан праезнай часткі і недастатковая бачнасць дарогі, проціпраўныя дзеянні асобных удзельнікаў дарожнага руху — кіраванне транспартам у стане ап’янення, без правоў і іншыя.
У дакуменце звернута ўвага на тое, што пагрозы БДД застаюцца адной з вострых сацыяльна-эканамічных праблем, якая патрабуе актывізацыі намаганняў дзяржавы і грамадства.
Мэтавымі паказчыкамі Канцэпцыі з’яўляюцца зніжэнне колькасці загінулых у ДТЗ да ўзроўню не больш як 450 у год да 2025 года, не больш за 400 у год — да 2030-га, аднаўленне тэндэнцыі, якая мела месца ў 2011-2016 гадах, па зніжэнні паказчыкаў аварыйнасці (скарачэнне колькасці ДТЗ з загінулымі не менш як на 15 працэнтаў у год), а таксама зніжэнне іншых відаў страт у дарожным руху (эканамічных, экалагічных, сацыяльных) у параўнанні з 2022 годам не менш як на 15 працэнтаў у 2025 годзе і не менш як на 25 працэнтаў у 2030 годзе.
Дасягненне мэт павінна ацэньвацца штогод.
У дакуменце акрэслены асноўныя напрамкі павышэння БДР у Беларусі. Вызначаны і меры дзяржаўнай палітыкі ў галіне дарожнага руху і забеспячэння яго бяспекі і іншыя аспекты.
Пастанова ўступае ў сілу пасля яе афіцыйнага апублікавання.
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.