Неабходна фарміраваць новую сістэму міжнародных адносін. Пра гэта Прэзідэнт Беларусі Аляксандр Лукашэнка заявіў на сустрэчы сёння з удзельнікамі пасяджэння Савета Парламенцкай асамблеі АДКБ, перадае БелТА.
«Мы павінны засяродзіць свае намаганні на фарміраванні новай сістэмы міжнародных адносін, калі глядзець далёка наперад. Заснаванай на агульнапрызнаных нормах і прынцыпах міжнароднага права, а не на нейкіх „правілах“, якія нам падсоўваюць з боку Захаду», — сказаў кіраўнік дзяржавы.
Аляксандр Лукашэнка адзначыў, што большасць краін, да якіх належаць дзяржавы — члены АДКБ, бачаць у шматпалярнасці лепшыя перспектывы развіцця свету.
Беларусь мае намер і далей прасоўваць прынцыпы справядлівага і шматпалярнага свету, садзейнічаць выпрацоўцы надзейных гарантый для забеспячэння як калектыўнай бяспекі і стабільнасці, так і бяспекі кожнага ўдзельніка міжнароднай супольнасці.
Прэв’ю: БелТА
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
