Выстава MILEX стала не толькі значнай падзеяй для арганізацый абароннага сектара эканомікі, але і эфектыўным форумам для развіцця ваеннага і ваенна-тэхнічнага супрацоўніцтва паміж дзяржавамі і міжнароднымі арганізацыямі. Пра гэта падчас адкрыцця выставы MILEX-2023 заявіў міністр абароны Беларусі Віктар Хрэнін, паведамляе БелТА.
За гады свайго існавання выстаўка MILEX зарэкамендавала сябе не толькі як значная падзея для арганізацый абароннага сектара эканомікі, але і як эфектыўны форум для развіцця ваеннага і ваенна-тэхнічнага супрацоўніцтва паміж дзяржавамі і міжнароднымі арганізацыямі.
Міжнародная выстаўка па праву лічыцца аўтарытэтнай і вядомай пляцоўкай для ўзаемадзеяння экспертаў у галіне ўзбраенняў, дэманстрацыі найноўшых распрацовак у сферы вытворчасці прадукцыі ваеннага прызначэння і заключэння ўзаемавыгадных кантрактаў«, — сказаў Віктар Хрэнін.
Як адзначыў міністр абароны, нягледзячы на складаную ваенна-палітычную абстаноўку сярод гасцей мерапрыемства ёсць прадстаўнікі практычна ўсіх рэгіёнаў свету. «Гэта красамоўна сведчыць аб тым, што ў нашай краіны ёсць шмат саюзнікаў, партнёраў і аднадумцаў на розных кантынентах. Яны гэтак жа, як і наша краіна, прадаўжаюць абараняць нацыянальныя інтарэсы сваіх дзяржаў, адстойваючы суверэнітэт і права самастойна выбіраць шлях свайго развіцця і вектары супрацоўніцтва, абапіраючыся на традыцыі, самабытнасць і менталітэт, а галоўнае — на інтарэсы сваіх народаў», — падкрэсліў ён.
На маштабным зброевым аглядзе, які праходзіць у Беларусі, экспертнай супольнасці і грамадскасці прадстаўлены не толькі шырокі спектр прынцыпова новых, самых перадавых высокатэхналагічных узораў узбраення, але і даўгавечных, надзейных узбраенняў. «Некаторыя з іх распрацаваны ў канцы і нават у сярэдзіне ХХ стагоддзя, але яшчэ не вычарпалі закладзены ў іх патэнцыял і рэсурс, якія пасля глыбокай мадэрнізацыі і адаптацыі да сучасных умоў вядзення ўзброенай барацьбы значна павысілі сваю баявую эфектыўнасць, эксплуатацыйныя характарыстыкі і эрганоміку», — сказаў на заканчэнне Віктар Хрэнін.
З 17 па 20 мая на тэрыторыі «Мінск-Арэны» праходзіць ХІ Міжнародная выстаўка ўзбраення і ваеннай тэхнікі MILEX-2023 і Х Міжнародная навуковая канферэнцыя па пытаннях ваенна-тэхнічнага супрацоўніцтва ў галіне абароны і бяспекі. Тэматычныя раздзелы выстаўкі прадстаўляюць увесь спектр тэхналогій, накіраваных на забеспячэнне абароны і бяспекі дзяржавы.
Арганізатары выстаўкі — Дзяржаўны ваенна-прамысловы камітэт, Міністэрства абароны, РУП «БелЭкспа», Кіраўніцтва справамі Прэзідэнта Рэспублікі Беларусь.
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
