Грэчку ў Беларусі пасеялі на 42,2% запланаваных плошчаў

Грэчку ў Беларусі пасеялі на 42,2% запланаваных плошчаў, паведамляе БелТА са спасылкай на Міністэрства сельскай гаспадаркі і харчавання.

Па стане на 16 мая сяўба яравых культур праведзена на плошчы 1985,3 тыс. га, або 85,7% да плана. У Брэсцкай вобласці сяўба праведзена на 91,3% запланаваных плошчаў, Віцебскай — 85,4%, Гомельскай — 74,2%, Гродзенскай — 95,2%, Мінскай — 87,8%, Магілёўскай — 81,6%.

Сяўба грэчкі выканана на плошчы 14,6 тыс. га, або 42,2% да плана, проса — 4,18 тыс. га (41,4%), агароднінных культур — 3,36 тыс. га (70%), кукурузы ўсяго — 858,8 тыс. га (75,4%), у тым ліку на зерне — 280,8 тыс. га (104,5%), на сілас — 578 тыс. га (66,4%). Бульбу пасадзілі на 19,7 тыс. га (86,2%).

Прэв’ю: БелТА