Прэзідэнт Беларусі Аляксандр Лукашэнка 13 мая падпісаў указ нумар 134 «Аб падрыхтоўцы і правядзенні II Гульняў краін СНД 2023 года», паведамілі ў прэс-службе кіраўніка дзяржавы.
Спаборніцтвы пройдуць з 5 па 13 жніўня ў 11 гарадах Беларусі па 20 відах спорту. Указам устанаўліваецца шэраг прэферэнцый і льгот для ўдзельнікаў Гульняў і валанцёраў. Сярод іх — бязвізавы ўезд у Беларусь, вызваленне ад неабходнасці рэгістрацыі на тэрыторыі краіны, бясплатны праезд у грамадскім транспарце, вызваленне ад падаткаабкладання даходаў у памеры кошту бясплатна прадастаўляемых харчавання, пражывання, матэрыяльна-тэхнічнага, транспартнага і іншага забеспячэння.
У мэтах стымулявання прыцягнення пазабюджэтных крыніц фінансавання спонсарам Гульняў дазволена ўключаць сумы аказанай дапамогі ў склад пазарэалізацыйных расходаў.
Прадугледжаныя ўказам меры дадуць магчымасць забяспечыць якасную падрыхтоўку і правядзенне спаборніцтваў, аптымізаваць расходаванне бюджэтных і прыцягнутых сродкаў.
Прэв’ю: БелТА
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.