Кампетэнтнае журы галоўнай міліцэйскай ВНУ падвяло вынікі Рэспубліканскай прававой алімпіяды «Феміда — 2023».
За званне найлепшай каманды на галоўнай сцэне міліцэйскай альма-матэр змагаліся практычна ўсе рэгіёны краіны — каманды навучэнцаў прававых класаў і кадэцкіх вучылішчаў, якія заваявалі ганаровае права прадстаўляць свае ўстановы адукацыі ў фінале алімпіяды, прысвечанай 65-й гадавіне з дня ўтварэння Акадэміі МУС.
У бягучым годзе аб жаданні ўдзельнічаць у інтэлектуальным спаборніцтве заявілі 19 устаноў адукацыі. У першым паўфінале прынялі ўдзел 8 каманд з Брэсцкай, Віцебскай Гомельскай і Магілёўскай абласцей. Па выніках спаборніцтваў у фінал алімпіяды выйшлі тры з іх: «Міратворцы» сярэдняй школы № 8 г. Брэста, «Палескія патрыёты» сярэдняй школы № 15 г. Мазыра і «Опера» сярэдняй школы № 2 г. Полацка.
У другім паўфінале прынялі ўдзел 11 каманд з Мінска, Гродзенскай і Мінскай абласцей. У фінал выйшлі «Pro et contra» Мінскага абласнога кадэцкага вучылішча, «Альянс» сярэдняй школы № 116 г. Мінска і «Выбар» Спецыялізаванага ліцэя МУС. У фінале сустрэліся шэсць каманд з Мінска, Брэсцкай, Гомельскай і Мінскай абласцей.
Каб выйграць у сапернікаў, хлопцы і дзяўчаты прадэманстравалі неабходныя для кожнага будучага юрыста якасці: інтэлект, эрудыцыю, логіку, кемлівасць, настойлівасць, волю да перамогі.
— Вы — гонар сваіх устаноў адукацыі, — звярнуўся да ўдзельнікаў Алімпіяды начальнік Акадэміі МУС генерал-маёр міліцыі Аляксандр ВАСІЛЬЕЎ. — Можа, нехта з вас праз год-два, а некаторыя ўжо сёлета, прыйдуць да нас у Акадэмію МУС. Мы будзем рады бачыць вас — таленавітых, эрудзіраваных, здольных маладых людзей у нашай установе вышэйшай адукацыі.
Інтэлектуальна-творчы паядынак быў займальным і разнастайным. Пачалі каманды з конкурсу, у якім творча прадстаўлялі сваю каманду, потым у бліц-апытанні пазмагаліся капітаны каманд. Ацэнцы журы падлягала таксама аратарскае майстэрства ўдзельнікаў, падрыхтаваныя тэатралізаваныя пастаноўкі, веды школьнага прадмета «Грамадазнаўства» і змест тэматычных кінафільмаў краін СНД і беларускага кінематографа.
Па выніках упартай і хвалюючай інтэлектуальна-творчай барацьбы кампетэнтнае журы вызначыла пераможцаў. Першае месца заняла каманда «Выбар» Спецыялізаванага ліцэя МУС, другое атрымалі адразу дзве каманды — «Pro et contra» Мінскага абласнога кадэцкага вучылішча і «Альянс» ДУА № 116 г. Мінска «Бронза» — у «Палескіх патрыётаў» з сярэдняй школы № 15 г. Мазыра.
Вераніка КАНЮТА
Фота прэс-службы Акадэміі МУС
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
