Унікальныя стутуэткі атрымалі навучэнцы, якія займаюцца інфармацыйным асвятленнем жыцця галоўнай міліцэйскай ВНУ краіны.
Акадэмія Міністэрства ўнутраных спраў жыве яркімі падзеямі, накіраванымі на развіццё творчага патэнцыялу курсантаў. Прэмія «Аміятаўр» — адна з іх. Урачыстая цырымонія ўзнагароджання фіналістаў адбылася ў сценах навучальнай установы ўжо другі раз.
Аўтар унікальнай прэміі — начальнік Акадэміі МУС генерал-маёр міліцыі Аляксандр Васільеў. Як адзначыў кіраўнік ВНУ, акадэмія не адстае ад трэндаў і крочыць у нагу з часам. «Мы стараемся расказваць пра міліцэйскую альма-матэр аператыўна і цікава, выкарыстоўваючы ўсе папулярныя інтэрнэт-пляцоўкі: сайт акадэміі, тэлеграм-канал, Instagram, Вконтакте, Youtube і Twitter, — заўважыў ён. — Тут навіны аб падрыхтоўцы будучых афіцэраў і нашых выкладчыках, адукацыйным працэсе, спартыўных падзеях і навуковых дасягненнях».
Усяго ва ўсіх афіцыйных акаўнтах за жыццём акадэміі сочыць амаль 35 тысяч падпісчыкаў. Дзякуючы энергіі і крэатыву курсантаў, пры падтрымцы старэйшых афіцэраў гэтая лічба расце штодзень.
Прэміі «Аміятаўр» былі ўдастоены курсанты, якія стаяць не толькі на варце правапарадку, але і інфармацыйнага асвятлення падзей, якія адбываюцца ў міліцэйскай ВНУ. У параўнанні з мінулым годам, да намінацый «Лепшы фотарэпартаж», «Лепшы матэрыял навін» і «Лепшы відэасюжэт» дадалася намінацыя «ЦікТок-Медыяпрарыў».
Дарэчы, за творчасцю акадэміі ў ЦікТок сочыць амаль 16 тысяч падпісчыкаў. Іх колькасць расце кожны дзень, як і майстэрства саміх аўтараў відэаролікаў.
Прэмію за «Лепшы матэрыял навін» уручыла вядучая праграмы «Зона Ікс», загадчыца аддзела крымінальных навін галоўнай дырэкцыі Агенцтва тэленавін Белтэлерадыёкампаніі Віялета Сакаловіч. Узнагароды за дасягненні ў ЦікТок лаўрэаты атрымалі з рук начальніка ўпраўлення інфармацыі і грамадскіх сувязяў МУС палкоўнік міліцыі Наталля Сахарчук.
Пераможцамі ў намінацыі «Лепшы відэасюжэт» у чацвёртым квартале 2022 года прызнаны Арцём Швандзік, другакурснік факультэта міліцыі грамадскай бяспекі. У першым квартале 2023 года перамог творчы калектыў крымінальна-выканаўчага факультэта: трэцякурсніцы Ганна Белавусава, Лізавета Піваварава, Марыя Вільман і Юлія Касцейкіна.
«Аміятаўр» у намінацыі «Лепшы фотарэпартаж» за чацвёрты квартал 2022 года атрымаў другакурснік факультэта крымінальнай міліцыі Аляксей Арабей. У першым квартале гэтага года перамагае Вячаслаў Базылюк, прадстаўнік 2-га курса следча-экспертнага факультэта.
У намінацыі «Лепшы матэрыял навін» у чацвёртым квартале 2022 года пераможцам стаў курсант 3-га курса следча-экспертнага факультэта Лізавета Кавалёва. У першым квартале сёлета лаўрэатам становіцца Мікіта Вярэм’еў, курсант 2-га курса факультэта крымінальнай міліцыі.
У намінацыі «ЦікТок-Медыяпрарыў» у чацвёртым квартале з колькасцю праглядаў 2,3 мільёна вызначыліся трэцякурснікі факультэта міліцыі грамадскай бяспекі: Іван Шпендзік, Дзяніс Півавараў, Яўген Самуйліч і Дзмітрый Ложачнік. У першым квартале 2023 года перамаглі курсанты 2-га курса крымінальна-выканаўчага факультэта Кацярына Белаш і Мікіта Вершалоўскі.
Спецыяльную прэмію за ўклад у развіццё ЦікТока Акадэміі МУС атрымаў школьнік, выпускнік Крупскай раённай гімназіі Арсеній Сіняк. Дарэчы, малады чалавек ужо падаў заяву на паступленне ў Акадэмію МУС.
Вераніка КАНЮТА
Фота прэс-службы Акадэміі МУС
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
