У дзесяці рэгіёнах Віцебскай вобласці (Лёзненскім, Сенненскім, Гарадоцкім, Віцебскім, Верхнядзвінскім, Полацкім, Лепельскім, Чашніцкім, Міёрскім раёнах і г. Віцебску) застаюцца падтопленымі прыватныя падворкі, жылыя дамы і гаспадарчыя пабудовы, участкі дарог, а таксама масты.
Па стане на 10 красавіка ў вобласці не зафіксавана ніводнага факта новых падтапленняў. Узровень вады на гідралагічных пастах стабільна падае. Захоўваецца небяспечна высокі ўзровень вады на пастах у Полацку і Верхнядзвінску, аднак штодзённа ён зніжаецца на 7-12 сантыметраў.
На Віцебшчыне застаюцца падтопленымі 7 жылых дамоў, 111 падворкаў, 211 гаспадарчых пабудоў. Ва ўладзе вады дагэтуль знаходзяцца 3 масты і 19 участкаў дарог.
Захоўваецца рэжым павышанай гатоўнасці тэрытарыяльнай падсістэмы грамадзянскай абароны ў Полацкім і Міёрскім раёнах, на надзвычайны рэжым функцыянавання перайшлі ратавальнікі ў Верхнядзвінскім раёне.
Раённымі і гарадскімі аддзеламі МНС і іншымі службамі працягваецца пастаянны маніторынг сітуацыі са станам вясновай паводкі. Ратавальнікі бесперапынна ажыццяўляюць лодачную пераправу на ўчастку падтопленай дарогі ў вёсцы Лучоса Віцебскага раёна і яшчэ раз нагадваюць насельніцтву аб правілах паводзінаў з вялікай вадой, заклікаючы захоўваць спакой.
Аляксандра ГВОЗДЗЕВА
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
