Міжнародная выстава «Залаты Гран-пры Містэр Кот-2023» праходзіць 8-9 красавіка ў сталічным Палацы спорту.
Арганізатар мерапрыемства ТАА «Містэр Кот», пад эгідай Сусветнай федэрацыі котак (WCF).
— Нашаму клубу каля 22 гадоў. «Залаты Гран-пры Містэр Кот» мы праводзім з 2018 года. На сённяшняй выставе прадстаўлена прыкладна 120 жывёл. У праграму ўваходзяць: экспертыза гадаванцаў, прэзентацыя рэдкіх і экзатычных парод жывёл, шматлікія рынгі і шоў дарослых кошак, юніёраў і кацянят, забаўляльная праграма для гледачоў. Усе жадаючыя могуць выканаць сваё запаветнае жаданне — знайсці кацяняці сваёй мары, — распавяла чытачам партала Выдавецкага дома «Звязда» арганізатар мерапрыемства старшыня клуба «Містэр Кот» Вольга Рагачова-Кузака. — Прызы, кубкі і знакі, будуць уручаны ўладальнікам, а саміх пераможцаў рынгаў узнагародзяць смачным кормам. Хочацца пажадаць усім уладальнікам катоў і кошак прыняць удзел у выставе, атрымаць святочны настрой і станоўчыя эмоцыі.
Віктар ІВАНЧЫКАЎ
Фота аўтара
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
