Такая праблема асабліва часта ўзнікае ў пажылых, паколькі з гадамі ўсё больш праяўляюцца сухасць скуры і гіперкератоз (празмернае разрастанне паверхневага, рагавога, пласта скуры). Трэшчыны на пятках бываюць вельмі балючымі і прыносяць шмат турбот. Яны небяспечныя тым, што адчыняюць вароты інфекцыям, менавіта таму іх абавязкова трэба лячыць і апрацоўваць ногі для прафілактыкі супрацьгрыбковымі і антыбактэрыяльнымі прэпаратамі. Пазбавіцца ад трэшчын выдатна дапамагаюць нажныя ванны — содавыя і мыльныя, а таксама сродкі, якія спрыяюць разрыхленню і наступнаму выдаленню рагавога пласта. Напрыклад, з саліцылавай кіслатой.
Добра дапамагаюць ванны з борнай кіслатой (4 чайныя лыжкі на літр цёплай вады). Патрымайце ногі ў растворы 15 хвілін, затым вытрыце і зрабіце кампрэс на аснове вазеліну: старанна памажце вазелінам кожную трэшчыну, заляпіце зверху пластырам або закруціце бінтам і пакіньце нанач. Паўтарайце працэдуру на працягу тыдня.
Вельмі часта трэшчыны з'яўляюцца з-за няправільна падабранага абутку. Ён павінен быць дастаткова свабодным, добра дыхаць, пажадана — з натуральных матэрыялаў. Таксама не варта насіць сінтэтычныя шкарпэткі — у іх ногі моцна пацеюць.
Дарэчы, трэшчыны могуць сведчыць і аб тым, што ваш арганізм адчувае недахоп вітамінаў А і Е. Іх дэфіцыт якраз праяўляецца ў сухасці скуры. Папоўніць дэфіцыт гэтых вітамінаў дапамогуць свежае зяленіва, яйкі, масла, морква, печань, рыба і морапрадукты.
Калі вакол трэшчын утварылася прыпухласць, пачырваненне, нагнаенне, неабходна схадзіць на прыём да дэрматолага.
Алена КРАВЕЦ
Васілеўскія такія: на Зямлі і ў космасе ліхія!
Ідэнтычнасць праз спадчыну.
Беларусь — у тройцы лідараў па захваральнасці.
