У правінцыі Цзянсу (Усходні Кітай) днямі выдалі ліцэнзію яе 10-мільённаму індывідуальнаму прадпрымальніку. Гэта першая ў КНР правінцыя з такім паказчыкам, перадае «Жэньмінь жыбаа» анлайн».
Ліцэнзія выдадзена Чжан Кану, які плануе адкрыць новую пякарню 10 красавіка ў раёне Юйхуатай горада Нанкін (адміністрацыйны цэнтр правінцыі Цзянсу). Індывідуальныя прадпрымальнікі, на долю якіх прыпадае каля 70 працэнтаў усіх суб’ектаў рынку ў Цзянсу, складаюць аснову эканомікі правінцыі, адзначыў Сюэ Цян, намеснік кіраўніка правінцыйнага ўпраўлення па рэгуляванні рынку.
Паводле статыстыкі, каля 90 працэнтаў індывідуальных прадпрымальнікаў у Цзянсу заняты ў троесным сектары эканомікі, асабліва ў галінах, цесна звязаных з паўсядзённым жыццём насельніцтва. Усяго ў прыватным сектары правінцыі зарэгістравана больш за 16,83 мільёна работнікаў. З пачатку бягучага года колькасць індывідуальных прадпрымальнікаў, зарэгістраваных у Цзянсу перавысіла 275 тысяч, што склала 65,4 працэнта ад колькасці новых зарэгістраваных суб’ектаў рынку ў правінцыі за гэты перыяд. Гэты паказчык узрос на 5,5 працэнта ў параўнанні з аналагічным перыядам 2022 года.
Правінцыя Цзянсу па праву лічыцца эканамічным цяжкавагавіком у рэгіёне дэльты ракі Янцзы. Яна вядомая сваім прыватным сектарам эканомікі, які дынамічна развіваецца. Правінцыя дасягнула ўражлівага выніку ў справе развіцця індывідуальнага прадпрымальніцтва: агульная колькасць зарэгістраваных індывідуальных прадпрымальнікаў у правінцыі павялічылася амаль утрая — з 3,48 млн. напрыканцы 2012-га дасягнула 10 млн.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
