Вы тут

Праваслаўная Царква ўшануе памяць святой праведнай Сафіі Слуцкай


1 красавіка ў Дзень памяці святой праведнай Сафіі Слуцкай у кафедральным Свята-Духавым саборы Мінска адбудзецца Божая літургія, якая пачнецца ў 9.00.


Мінула 411 гадоў з таго часу, як завяршылася зямное жыццё святой. Але і сёння праваслаўныя вернікі ідуць у Мінскі Свята-Духаў кафедральны сабор, дзе яе нятленныя мошчы, каб памаліцца і папрасіць заступніцтва, атрымаць дапамогу ў сваіх справах і клопатах, напоўніцца верай і надзеяй.

Святой праведнай Сафіі давялося жыць у перыяд насаджэння царкоўнай уніі, калі праваслаўная вера на нашых землях знаходзілася пад забаронай і жорстка пераследавалася. У гэты нялёгкі час княгіня Сафія стала абаронцай і заступніцай праваслаўя на Слуцкай зямлі.

Сафія Слуцкая нарадзілася ў 1586 годзе і паходзіла са знакамітага праваслаўнага роду князёў Слуцкіх Алелькавічаў. У падлеткавым узросце Сафія пазбавілася бацькоў. Апеку над дзяўчынкай прынялі на сябе сваякі — магнаты Хадкевічы. Па іх волі Сафія была ўсватана за князя Януша Радзівіла, пратэстанта па хрышчэнні.

Углядаючы ва ўсім, што адбываецца, праяву волі Божай, князёўна не запрацівілася маючаму адбыцца шлюбу, паставіўшы: не прымушаць яе адмовіцца ад правасланай веры. Акрамя гэтага, Сафія настойвала на тым, каб у праваслаўе былі ахрышчаны дзеці ад будучага шлюбу.

Княгіня Сафія клапацілася аб праваслаўных мясцінах і храмах, аб захаванні праваслаўя на Слуцкай зямлі пасля заключэння Брэсцкай царкоўнай уніі. Княгіня аказвала маральную і матэрыяльную падтрымку святарам і парафіянам, ахвяравала храмам уласнаручна вышытыя ёю покрыва і святарскія рызы, здзяйсняла паломніцтвы ў аддаленыя парафіяльныя цэрквы. Пад уплывам жонкі Януш Радзівіл выпрасіў у караля Рэчы Паспалітай пастанову аб тым, каб не прымушаць да уніі праваслаўных людзей Слуцкага краю. Гэты акт захаваў юрыдычную сілу і пасля смерці праведнай Сафіі.

Святая княгіня Сафія памерла 1 красавіка 1612 года пры нараджэнні дзіцяці і была пахавана на тэрыторыі Свята-Траецкага Слуцкага манастыра.

У памяць аб набожнай жонцы князь Януш працягваў падтрымліваць у Слуцкіх уладаннях праваслаўе, пацвярджаючы граматамі адпісаныя княгіняй Сафіяй свабоды для Праваслаўнай царквы.

За праведнае жыццё Гасподзь праславіў Сваю выбранніцу нятленнем мошчаў і цудатварэннямі. Першыя пісьмовыя сведчанні аб гэтым пакінуў у пачатку XIX стагоддзі настаўнік Слуцкай духоўнай семінарыі іераманах Маркіян.

Цяпер нятленнае цела святой Сафіі Слуцкай спачывае ў паўночным прыдзеле Свята-Духава кафедральнага сабора ў гонар Мінскай цудатворнай іконы Божай Маці.

У гонар праведнай Сафіі ў нашы дні ў гарадах Беларусі, усталяваны помнікі і збудаваны храмы, дзе ў гэты дзень будзе здзяйсняцца Божая літургія, падчас якой вернікі малітвай ушануюць памяць святой праведнай Сафіі, княгіні Слуцкай.

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».