Адзін з дзіцячых лістоў, якія прыйшлі напярэдадні навагодніх свят у адрас міністра ўнутраных спраў Івана Кубракова, датычыўся дапамогі цяжкахворай дзяўчынцы Паліне Кій. Тады па рашэнні кіраўніка міліцэйскага ведамства дзіцяці падарылі шматфункцыянальны інвалідны вазок. Пры гэтым у МУС паабяцалі, што і далей не пакінуць сям’ю Паліны без падтрымкі і ўвагі.
Учора дэлегацыя Міністэрства ўнутраных спраў зноў наведала сям’ю Кій. На гэты раз, каб павіншаваць дзяўчынку з дзявятым днём нараджэння.
Паліна шчыра была рада гасцям: усміхалася, рэагавала на віншаванні і цёплыя словы. Яе маму ўразілі шматлікія падарункі, якія прынеслі супрацоўнікі органаў унутраных спраў: вялізны кошык садавіны, упакоўкі дзіцячага харчавання і сродкаў гігіены, а таксама спецыяльны столік для інваліднай каляскі.
Юлія Кій прызналася, што падораны вазок значна палепшыў якасць жыцця дзіцяці. Дзякуючы гэтаму сродку перамяшчэння Паліна цяпер часцей бывае на вуліцы і больш актыўна спазнае навакольны свет.
«Для такіх сем’яў, як наша, падобная падтрымка асабліва важная, — падзялілася маці дзяўчынкі. — Вялікі дзякуй міністру ўнутраных спраў, усяму ведамству. Падарункі проста цудоўныя. Не менш каштоўна і ўвага. А як Паліна рада гасцям! Яна ўсё адчувае і разумее!»
Вераніка КАНЮТА
Фота прэс-службы МУС
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.