Склаўшы дакладную схему, вы загадзя будзеце ведаць: які пасадачны матэрыял неабходна набыць і як спланаваць работы на ўчастку ў новым сезоне.
Пры планаванні градак і пасадак на агародзе неабходна вызначыцца з бакамі свету. Разбіваць градкі неабходна наступным чынам. З поўдня на поўнач — калі ўчастак у сырой нізіне, каб большую частку дня свяціла сонца і награвала глебу. З усходу на захад — калі глеба сухая, лёгкая і пры гэтым цень, якая адкідаецца раслінамі на міжраддзі, даўжэй захавае вільгаць. Такое размяшчэнне дазволіць больш раўнамерна асвятляць расліны і праграваць глебу. Пры гэтым паўночны бок падыдзе для пасадкі пладовых дрэў і кустоў, бо яны будуць засцерагаць агарод ад халоднага ветру. На паўднёвым баку ўчастка лепш высадзіць цеплалюбівыя расліны.
Па форме градкі можна зрабіць любымі, наколькі дазваляе ваша фантазія: прамавугольнымі, трохвугольнымі і нават авальнымі і круглымі. Самы галоўны крытэрый у дадзеным выпадку — зручны доступ да іх. Аптымальная шырыня — ад 60 см да 1 м, а даўжыня залежыць ад вашых магчымасцяў і густу.
Для нізінных участкаў і агародаў з беднай глебай пры наяўнасці празмернай вільготнасці ідэальны варыянт — насыпныя і абгароджаныя высокія градкі. Іх перавага складаецца ў тым, што паднімаць узровень глебы і паляпшаць яе ўрадлівасць трэба не на ўсім агародзе (гэта дасягаецца на працягу не аднаго дзясятка гадоў), а на кожнай асобнай градцы, што параўнальна хутка і зручна.
Пры планаванні градак адзін з найважнейшых фактараў — сумяшчальнасць раслін на агародзе. Нямногія ведаюць, што суседства некаторых культур можа даваць як станоўчыя, так і адмоўныя вынікі. Ёсць культуры, несумяшчальныя адна з адной, і калі іх размясціць побач, то зніжаецца ўраджайнасць. І наадварот, пры высадцы сумяшчальных гародніны і зяленіва ў непасрэднай блізкасці павялічваецца іх устойлівасць да хвароб і шкоднікаў, а такім чынам, павялічваецца ўраджайнасць.
Кожная расліна вылучае пэўныя рэчывы, якія трапляюць у глебу і паветра, а іншая культура, пасаджаная побач, можа паглынаць іх і атрымліваць карысць або, наадварот, шкоду. Шматгадовыя даследаванні і назіранні спецыялістаў дазволілі стварыць параўнальную табліцу такіх раслін.
Калі вы плануеце пасадкі, трэба ў думках разбіць участак, дзе будзе вырошчвацца гародніна, на пяць роўных частак. Асноўнае правіла севазвароту складаецца ў тым, каб штогод высаджваць на ўчастках розныя культуры, прыналежныя да адной групы, то-бок займацца чаргаваннем культур.
Напрыклад, гэта можа выглядаць так:
Зразумела, існуе мноства іншых варыянтаў чаргавання раслін — усё залежыць ад асартыменту.
Ірына ТАМКОВІЧ
Продаж тавараў праз інтэрнэт у Беларусі актыўна развіваецца.
«Абеліскі параненай зямлі».
АВЕН. На гэтым тыдні фартуна ўсміхаецца вам у многіх справах.
