Вы тут

Легендарны беларускі балет «Спартак» едзе ва Узбекістан


Спектакль пакажуць на Міжнародным фестывалі «Ташкентская вясна». 


Фота: Вялікі тэатр оперы і балета

Пастаноўку Валянціна Елізар’ева на музыку Арама Хачатурана ва Узбекістане пабачаць упершыню, пры тым, што яна была створана больш за 40 гадоў таму і мела шырокі рэзананс на прасторы СССР. Пасля быў поспех падчас паказаў у самых розных краінах Еўропы і Азіі. І вось 5 красавіка адбудзецца яго дэбют на сцэне Дзяржаўнага акадэмічнага Вялікага тэатра імя Алішэра Наваі. 

Балет меў выдатную біяграфію — адзін з тых спектакляў Елізар’ева, дзякуючы якому быў створаны брэнд «беларускі балет». А галоўныя партыі ў розныя гады танцавалі выдатныя, нават легендарныя артысты Нацыянальнага акадэмічнага Вялікага тэатра оперы і балета Беларусі. І як бы ні было неабходна мяняць рэпертуар, ёсць спектаклі, да якіх можна ставіцца з асаблівай пашанай: яны стваралі гонар нашай культуры і сталі часткай яе гісторыі. А пра яе можна не толькі памятаць, яе можна ўявіць і нават далучыцца, каб зразумець, як класічны балет напрыканцы ХХ стагоддзя ў Беларусі ўзбагачаўся аўтарскай харэаграфіяй, пра якую потым стануць гаварыць як пра адметны почырк Елізар’ева (у нас гэта адзначаць праз некалькі гадоў яго працы ў тэатры званнем народнага артыста Беларускай ССР, а яшчэ праз некаторы час у 1985-м прызнаюць поспех харэографа, надаўшы званне народнага артыста СССР). Таму балет «Спартак» атрымаў другое жыццё — у 2017-м годзе ён быў адноўлены на сцэне Вялікага тэатра Беларусі. Тут трэба разумець, што адметнасць твора (тэма, музыка, героі) сышліся з асаблівай харэаграфіяй, якая цікавіць дагэтуль. Спектакль маштабны, складаны. Але і захапляльны, як і сама гісторыя прыгнечанага рымскага раба, які хоча здабыць права звацца чалавекам, які ўмее адчуваць, кахаць і гатовы ахвяраваць сабой дзеля іншых. Балет драматычны, а пры гэтым зараджае энергіяй жыцця. Не ў малой ступені гэта задача дасягаецца праз работу артыстаў, якія, здаецца, робяць неверагоднае. 

Здзіўляць Ташкент едуць лепшыя артысты: народныя артысты Беларусі Ірына Яромкіна і Антон Краўчанка, заслужаныя артысты Людміла Хітрова, Марына Вежнавец, Канстанцін Геронік, Юрый Кавалёў і тыя, за кім будучыня беларускага балета — Таццяна Уласень, Вікторыя Трэнкіна, Уладзімір Руда, Аляксандр Місюк, Дзяніс Шпак. Гэта вялікае прадстаўніцва беларускага Вялікага ў Ташкенце з вялікім спектаклем. 

Ларыса ЦІМОШЫК

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».