Вы тут

«Горад, які чытае» — новая выстава ў культурным духоўна-асветніцкім цэнтры «Каўчэг»


Гэты цэнтр Свята-Елісавецінскага манастыра ў Мінску прыняў эстафету мерапрыемстваў, прысвечаных Дню праваслаўнай кнігі. Выстава «Горад, які чытае» адкрылася ўрачыстым набажэнствам на пачатак добрай справы, пасля якой дзіцячыя і маладзёжныя самадзейныя калектывы падарылі прысутным невялікую, але вельмі цікавую канцэртную праграму.


У пакоях суседніх з канцэртнай пляцоўкай былі разгорнуты выставы кніжных навінак беларускіх і расійскіх выдавецтваў і выданняў, што захаваліся з далёкіх стагоддзяў. Экспазіцыя старажытнай рукапіснай майстэрняй знаёміла з прыладамі для напісання і пераплёту першых кніг. Там жа было паказана, як захоўвалі рукапісныя каштоўнасці. 

Праграма выставы прадугледжвае мноства мерапрыемстваў. Да 16 сакавіка тут будуць праходзіць адукацыйныя семінары, сустрэчы з пісьменнікамі Беларусі і Расіі, майстар-класы па каліграфіі, вырабу акладаў і вышываных кніжных закладак, урокі работы з бісерам. Для падлеткаў штодзень будуць праводзіць пазнавальныя квесты.

Тэматычныя кінапаказы пазнаёмяць з гісторыяй пісьменства, царкоўнаславянскай азбукі, з дзейнасцю першадрукароў.

Перад уваходам на выставу прадстаўлена калекцыя самаробных кніг — гэта праца дзяцей, якія займаюцца ў нядзельных школах пры праваслаўных храмах Мінскага раёна. Прыгожа аформленыя вокладкі і старонкі сведчаць не толькі пра майстэрства маленькіх выдаўцоў, але і пра іх цікавасць да духоўна-асветніцкай тэматыкі.

Яўген ПЯСЕЦКІ

Фота аўтара 

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».