Канькі, зробленыя з костак жывёл больш чым тры тысячы гадоў таму, былі ўпершыню знойдзены ў Кітаі на месцы археалагічных раскопак у Сіньцзян-Уйгурскім аўтаномным раёне (Паўночна-Заходні Кітай), перадае «Жэньмінь жыбаа» анлайн».
Па словах навуковага супрацоўніка Сіньцзянскага інстытута культурных рэліквій і археалогіі і кіраўніка археалагічнай групы Жуань Цюжуна, канькі былі знойдзены ў вялікім пахаванні, датаваным ХVI-XV стагоддзямі да н.э. ў павеце Нілка Ілі-Казахскай акругі, дзе ў 2019 годзе пачаліся раскопкі.
Археолагі вызначылі, што канькі зроблены з костак буйной рагатай жывёлы і коней, а іх форма і структура амаль такія ж, як у іх аналагаў, знойдзеных у Еўропе. Гэтае адкрыццё пацвярджае раннія рэгіянальныя абмены ў Еўразіі і дае каштоўныя матэрыялы для вывучэння паходжання катання на каньках у Кітаі, дадаў Жуань Цюжун.
Акрамя таго, на месцы пахавання былі знойдзены дзясяткі драўляных дэталяў транспартных сродкаў, у тым ліку 11 суцэльных драўляных колаў, а таксама сотні фрагментаў керамічных вырабаў, каменных прыладаў, костак жывёл і вырабаў з бронзы.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
