Вы тут

«Новыя людзі» — прэм'ерная праграма пра таленавітую і прагрэсіўную моладзь


На сацыякультурным тэлеканале працягваецца запуск прэм'ерных праектаў. Цяпер па суботах у эфірным меню ёсць яшчэ і «Новыя людзі. У перадачы у цэнтры ўвагі — маладыя таленты, лаўрэаты рэспубліканскіх і міжнародных конкурсаў, стыпендыяты спецфонду Прэзідэнта Рэспублікі Беларусь па падтрымцы таленавітай моладзі.


Фота: pixabay.com

Праграма раскажа пра новае пакаленне беларусаў. Тэатр, музыка, харэаграфія, жывапіс, літаратура — героі праекта арганічна развіваюцца ў розных кірунках, дабіліся і працягваюць дабівацца значных поспехаў. «Новыя людзі» — гэта галоўным чынам аповед пра тое, што папярэднічае поспеху, пра загартоўванне характару і доўгі шлях пераадолення сябе.

Героі перадачы раскрываюцца з розных бакоў. Здымачная група праводзіць з імі некалькі дзён, каб распавесці не толькі пра творчыя дасягненні, але і пра пошукі, пра тое, у чым маладыя людзі знаходзяць натхненне і супакаенне, з чаго чэрпаюць сілы для новых перамог.

— Галоўная задача праекта — паказаць, як фарміруецца асоба. Узрост герояў нашай праграмы вагаецца ад 15 да 22 гадоў. Яны толькі пачынаюць свой шлях, — кажа рэжысёр праграмы Надзея Габец. — Мы раскажам пра іх дасягненні, але акцэнт зробім на працэсе фарміравання поглядаў, маральных якасцяў, разумення паняццяў дабра і зла новым чалавекам.

У прэм'ерным выпуску праекта гледачы пазнаёміліся з Ціханам і Сяргеем Талкачовымі, маладымі скульптарамі, навучэнцамі Мінскага дзяржаўнага мастацкага каледжа імя А.К. Глебава. А 11 сакавіка гераіняй праграмы стане балерына Ганна Гурыновіч, вучаніца Беларускай дзяржаўнай харэаграфічнай гімназіі-каледжа. Ёй усяго толькі 16 гадоў, але яна ўжо лаўрэатка многіх конкурсаў. На яе ўскладаюць надзеі і яе настаўнікі. У кампаніі гераіні гледачы наведаюць тэатр, пабываюць у галерэі Міхаіла Савіцкага і ў іншых месцах, дзе зможам паназіраць за тым, як з падлетка фарміруецца балерына.

— Кожны раз, рыхтуючы праграму, мы бачым працаздольнасць і талент нашых герояў. І гэта захапляе, але разам з тым і суперажываеш ім, шчыра жадаеш, каб кожнаму хапіла сіл не страціць сябе і працягваць сваім талентам служыць дабру, — кажа Надзея Габец.

Глядзіце і адкрывайце для сябе «Новых людзей» на тэлеканале «Беларусь 3».

Алена ДРАПКО

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».