Калі вы яшчэ не ведаеце, як правесці гэтыя выхадныя і дзе купіць падарункі на 8 Сакавіка, то настойліва раім вам наведаць выставу-кірмаш вырабаў ручной работы «Чароўны млын» у Нацыянальным выставачным цэнтре «БелЭкспа».
Гэта выстава сабрала ўсё самае цудоўнае разам — аж вочы разбягаюцца. Карціны, гліняны посуд, сумкі, адзенне, цацкі, музычныя скрыначкі, ювелірныя вырабы, усходнія прысмакі і шмат-шмат чаго яшчэ. Тут сапраўды пануе асаблівая атмасфера творчасці і прыгажосці. Адзіны мінус: хочацца купіць усё і адразу.
«Чароўны млын» радуе аматараў вырабаў ручной работы ўжо не першы год. Выстава-ярмарка пачала сваю гісторыю ажно з мая 2010 г., і праводзіцца яна тры разы на год: восенню, зімой і вясной. Гэта выстава прымеркавана да міжнароднага жаночага дня, таму тут можна знайсці шэраг тэматычных прэзентаў тыпу пернікаў у форме васьмёркі, свечак і мыла ў форме кветак. Зараз у «Чароўным млыне» прымае ўдзел больш за 400 майстроў не толькі з Беларусі, але і з Расіі і Літвы.
А яшчэ ў праграме выставы ёсць музычныя выступы, модны паказ і вялікі шэраг майстар-класаў. Сумаваць дакладна не прыйдзецца!
Працаваць «Чароўны млын» будзе да 5 сакавіка.
Фота Лізаветы ГОЛАД
Лізавета ГОЛАД
Фота Анатоля КЛЯШЧУКА
Мерапрыемства праводзіцца на добраахвотнай аснове.
Не выявіць ні секунды абыякавасці.
