Вы тут

Фестываль дзіцячай кнігі «Ідзі, зіма, ідзі ў дарогу!» адбудзецца 2 сакавіка


2 сакавіка на пляцоўцы Дзяржаўнага літаратурна-мемарыяльнага музея Якуба Коласа адбудзецца Фестываль дзіцячай кнігі «Ідзі, зіма, ідзі ў дарогу!». Арганізатары — Коласаўскі музей, Саюз пісьменнікаў Беларусі, Выдавецкі дом «Звязда», Цэнтралізаваная сістэма дзіцячых бібліятэк горада Мінска, кнігарня «Акадэмкніга». 


У праграме фестываля — аўтограф-сесіі дзіцячых літаратараў краіны, прэзентацыі іх кніг, цэлы шэраг іншых захапляльных мерапрыемстваў. Будуць працаваць інтэрактыўныя пляцоўкі. З настольнымі забаўлянкамі пазнаёміць Наталля Галко. Па тэрыторыі сядзібы будзе праведзена вандроўка на тэму «У пушчах Палесся» з удзелам сапраўднага (!) літаратурнага, коласаўскага персанажа — дзеда Талаша, партызана з кнігі «Дрыгва». 

Сярод удзельнікаў фестываля «Ідзі, зіма, ідзі ў дарогу!» — пісьменнікі Алена Стэльмах, Галіна Пшонік, Аляксей Шаўцоў, Павел Гушчынец, Жанна Міус, Кацярына Хадасевіч-Лісавая, Алесь Карлюкевіч. Яны раскажуць школьнікам пра свае новыя творы, кнігі, якія толькі што пабачылі свет, пра прыдуманых і адкрытых імі героях сваіх мастацкіх твораў. Будзе прэзентаваны і зборнік беларускіх народных казак у апрацоўцы народнага песняра Беларусі Якуба Коласа.

Сяргей ШЫЧКО

Прэв’ю: pixabay.com

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.