Двухбаковыя беларуска-іранскія адносіны знаходзяцца на піку развіцця. Такім чынам ахарактарызаваў узровень супрацоўніцтва Надзвычайны і Паўнамоцны Пасол Ісламскай Рэспублікі Іран у Беларусі Саід Яры.
— Зроблены важныя крокі для ўмацавання і развіцця двухбаковага ўзаемадзеяння, — адзначыў кіраўнік дыпламатычнай місіі. — У нашых краін шмат узаемавыгадных інтарэсаў у шэрагу галін. Беларусь і Іран і ў двухбаковых адносінах, і на міжнародных пляцоўках вельмі шчыльна супрацоўнічаюць.
Як заўважыў Саід Яры, летась узровень і інэнсіўнасць абмену дэлегацыямі былі проста беспрэцэндэнтнымі. Акрамя таго адбыліся паседжанні міжурадавай камісіі, рабочай групы па сельскай гаспадарцы, праведзены кансультацыі паміж міністэрствамі замежных спраў. У бліжэйшай перспектыве —правядзенне ў Мінску паседжання камісіі па навуцы, тэхналогіях і адукацыі.
— У нашых узаемаадносін вялікая перспектыва, — перакананы Саід Яры. — Для гэтага створаны ўсе перадумовы — і ў гандлёва-эканамічным, і ў палітычным аспектах.
Сімвалічным стане адкрыццё прамога авіярэйсу паміж Мінскам і Тэгеранам. Як паведаміў Саід Яры, іранская авіякампанія выказала адпаведную гатоўнасць. Яна ўжо атрымала ўсе необходныя дазволы. Так што ўжо ў найбліжэйшы час Іран у прамым сэнсе стане яшчэ бліжэй да Беларусі.
Мікалай ЛІТВІНАЎ
Фота Яўгена ПЯСЕЦКАГА
Мерапрыемства праводзіцца на добраахвотнай аснове.
Не выявіць ні секунды абыякавасці.
