Вы тут

Што абмяркоўвалася на пасяджэнні Беларускай натарыяльнай палаты


Пытанні алічбоўкі дакументаў, анлайн-узаемадзеяння з грамадзянамі, падрыхтоўкі да выбараў 2024 года, максімальнага пераводу натарыяльных паслуг у электронны выгляд, распаўсюджвання практыкі работы «спадчына без межаў» на ўсю краіну... Гэтыя і іншыя тэмы абмяркоўваліся на пасяджэнні Беларускай натарыяльнай палаты.


— Натарыус — кансерватыўная юрыдычная прафесія, аднак інстытут натарыяту з пункту гледжання інавацыйнай дзейнасці вельмі сучасны, — заўважыла Вольга Чупрыс, намеснік кіраўніка Адміністрацыі Прэзідэнта. — Папера старэе, а многія натарыяльныя дакументы, захоўваюцца вечна. Адпаведна, неабходна іх асучасніць, каб яны былі даступныя для наступных пакаленняў. Менавіта з-за гэтай адказнасці на будучыню натарыят стварае лічбавы архіў. У гэтым сэнсе ні адзін орган, акрамя хіба што гістарычных музеяў ці бібліятэк, не можа параўнацца з натарыятам. Па пытаннях узаемадзеяння з дзяржорганамі і грамадзянамі натарыят таксама наперадзе ўсіх і забяспечвае анлайн-суправаджэнне сваёй дзейнасці.

Ва ўсіх абласных цэнтрах і сталіцы зараз працуе прынцып «спадчына без межаў», які зарэкамендаваў сябе як вельмі зручны для насельніцтва. Такая форма работы дае магчымасць звярнуцца да любога натарыуса акругі ў зручным для спадчынніка месцы, незалежна ад апошняга месца рэгістрацыі спадчынадаўца, расказала Наталля Барысенка, старшыня Беларускай натарыяльнай палаты:

— Мы плануем да 1 ліпеня прапрацаваць гэты прынцып у межах усіх раёнаў нашай краіны, дзе больш як адна натарыяльная кантора. Тэхналагічна і арганізацыйна для гэтага ўсё гатова. Пакуль будзем назіраць, ці запатрабавана гэта насельніцтвам, бо натарыят нічога не навязвае, а амаль усе паслугі маюць прынцып экстэрытарыяльнасці.

Асноўны вынік дзейнасці натарыяту — забяспечанасць даступнасці для грамадзян атрымання натарыяльных паслуг. З аднаго боку, выкананы прынцып экстэрытарыяльнасці, з другога — увага засяроджана на мясцовасцях, якія і цяжкадаступныя для таго, каб у іх дабрацца, і натарыяльныя ўстановы там адсутнічаюць, акрэсліў галоўныя дасягненні за год міністр юстыцыі Сяргей Хаменка:

— Мы не маем ніводнай скаргі адносна неаказання паслуг ад жыхароў сельскай мясцовасці. І гэта своеасаблівая лакмусавая папера дзейнасці арганізацыі. Летась натарыят прыдбаў сур'ёзны аўтарытэт і на міжнароднай арэне, стаўшы базавай арганізацыяй для ўсіх натарыятаў краін СНД. А базавая арганізацыя — установа, ад якой пераймаюць вопыт, вучацца метадам вядзення работы існуючай у нашых натарыусаў практыкі.

Сёлета неабходна правесці комплекс мерапрыемстваў па завяршэнні распрацоўкі і прыняцця дакументаў у межах Канстытуцыйнай рэформы. Неабходна таксама падрыхтавацца да выбараў 2024 года, і натарыят як арганізацыя, якая аказвае паслугі ад імя дзяржавы, павінна стаць прыкладам.

— Слова «натарыус» асацыіруецца з тым, хто дасканала і дакладна выконвае законы ў інтарэсах грамадзян. І адной з задач стане прывядзенне ўсёй сістэмы і інфраструктуры, якая маецца ў натарыята, у такі выгляд, каб можна было прывесці любую ўпаўнаважаную асобу і сказаць «вось так павінна быць, вось узор стасункаў з людзьмі, узор разгляду зваротаў грамадзян», — дадаў міністр. — Адзін з вектараў для рэалізацыі — максімальная лічбавізацыя дзейнасці натарыусаў, каб чалавек змог атрымаць максімум паслуг не выходзячы з дому.

Ірына СІДАРОК

Фота: БелТА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».