Мiнскае гарадское аддзяленне Саюза пiсьменнiкаў Беларусi аб’яўляе лiтаратурны конкурс сярод юных творцаў, прысвечаны 140-годдзю класiка беларускай дзiцячай лiтаратуры Янкi Маўра. Да ўдзелу запрашаюцца паэты, празаiкi, публiцысты i лiтаратуразнаўцы Мiнска ва ўзросце 12–25 гадоў.
Работы канкурсантаў на беларускай або рускай мове (вершы, апавяданнi, замалёўкi, абразкi, мастацкiя нарысы, лiтаратуразнаўчыя артыкулы) павiнны быць самастойнымi i арыгiнальнымi. Сярод прапанаваных тэм — Радзiма, прырода, чалавек працы, мужнасць народа, сяброўства. Чакаюцца i творы, прысвечаныя Янку Маўру.
Конкурс праводзiцца з 20 студзеня да 1 кастрычнiка.
Работы, набраныя на камп’ютары, дасылаюцца на адрас Мiнскага гарадскога аддзялення СПБ або на электронны адрас: mgo-oo-spb@mail.ru (з пазнакай: на конкурс, прысвечаны Янку Маўру). Канкурсанты ўказваюць прозвiшча, iмя, iмя па бацьку, дату i год нараджэння, дакладны (з iндэксам) хатнi адрас, кантактныя тэлефоны, месца вучобы або працы.
Журы, у склад якога ўваходзяць вядомыя пiсьменнiкi, вызначыць пераможцаў конкурсу па кожнай намiнацыi ў розных узроставых катэгорыях. Яны будуць узнагароджаны дыпломамi Саюза пiсьменнiкаў Беларусi i падарункамi. Творы самых таленавiтых юных аўтараў будуць прапанаваны да друку.
Больш можна даведацца па гарадскiх тэлефонах: 343-18-18; 392-59-06; 392-59-07.
Мiхась ПАЗНЯКОЎ,
старшыня Мiнскага гарадскога аддзялення Саюза пiсьменнiкаў Беларусi
Прэв’ю: pexels.com
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.