Вы тут

Паліклінікі далучыліся да акцыі «Ад усёй душы»


У рамках рэспубліканскай дабрачыннай акцыі «Ад усёй душы» супрацоўнікі 2-й цэнтральнай раённай паліклінікі Фрунзенскага раёна Мінска і 31-й гарадской паліклінікі наведалі адзінокіх пажылых грамадзян і інвалідаў, якія жывуць на тэрыторыі іх абслугоўвання.


Медыцынская сястра агульнай практыкі Таццяна Рогач (у цэнтры) і старшая медыцынская сястра аддзялення агульнай практыкі Алена Цвілевіч (справа) віншуюць Ангеліну Яўгенаўну Аляксандраву.

Медработнікі 2-й паліклінікі наведалі 83-гадовую Ангеліну Аляксандраву, павіншаваўшы жанчыну з навагоднімі і каляднымі святамі. Да медыкаў у паліклініку Ангеліна Яўгенаўна часцей прыходзіць сама, але ў святы была рада бачыць іх у сябе дома, прычым не па прычыне недамагання, а з радаснай нагоды.

— Для людзей старэйшага пакалення вельмі важна адчуваць клопат і ўвагу. Мы, медыцынскія работнікі, як ніхто іншы, разумеем, наколькі каштоўным можа быць для любога чалавека, а асабліва ў сталым узросце, разуменне, што ты не адзін, — кажа старшая медыцынская сястра аддзялення агульнай практыкі 2-й цэнтральнай раённай паліклінікі Фрунзенскага раёна Мінска Алена Цвілевіч.

Медыкі пажадалі Ангеліне Яўгенаўне моцнага здароўя, міру і дабрабыту, а таксама ўручылі падарункі.

А супрацоўнікі 31-й паліклінікі сярод іншых пабывалі ў сям'і 19-гадовага Сяргея Строкава. Ён інвалід з дзяцінства, і штодзень шмат гадоў яго даглядае мама — Наталля Міхайлаўна. Працуе ў сям'і толькі тата хлопца, Аляксандр Міхайлавіч. Гасцям у гэтай сям'і таксама заўсёды рады.

Алена КРАВЕЦ

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.