Зімовыя святочныя канікулы можна і нават трэба праводзіць спартыўна. У гэтым упэўніліся і выхаванцы дзіцячага дома № 7 «Сям’я» горада Мінска. У рамках рэспубліканскай дабрачыннай акцыі «Нашы дзеці» яны весела і актыўна правялі час на лядовым катку Нацыянальнага алімпійскага стадыёна «Дынама». Кампанію ім склалі Дзед Мароз і Снягурка, а таксама талісман футбольнага клуба «Дынама-Мінск» Дынамоша. Традыцыйна супрацоўнікі стадыёна «Дынама» разам з Беларускай федэрацыяй лёгкай атлетыкі і футбольным клубам «Дынама-Мінск» у перыяд навагодніх святаў накіроўваюцца і дзіцячы дом № 7 «Сям’я». Але сёлета запрасілі дзяцей да сябе ў госці.
«Самае галоўнае — гэта дзіцячыя эмоцыі тых, хто працягвае верыць у цуд нават пасля Новага года. Хтосьці ездзіць вакол ялінкі, дакранаецца і загадвае жаданне. Вось гэтая ідэя — дарыць свята, дарыць казку дзецям, яна працягваецца», — адзначыў Аляксандр Бут-Гусаім, генеральны дырэктар Нацыянальнага алімпійскага стадыёна «Дынама».
Валерыя СЦЯЦКО
Фота Лізаветы ГОЛАД
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.