Вы тут

Лепшымі зімовымі чараўнікамі сталі педагогі з Петрыкава


Дзед Мароз і Снягурка ДУА «Гімназія г. Петрыкава» занялі першае месца на Рэспубліканскім аглядзе-конкурсе «Ёлка—фэст— 2022».


Агляд-конкурс «Елка—фэст» традыцыйна праводзіцца раз у два гады ў снежні. Удзел традыцыйна прымаюць педагогі ўстаноў агульнай сярэдняй і дадатковай адукацыі, пераможцы і прызёры абласных этапаў конкурсу з усіх рэгіёнаў краіны.

— Наша гімназія — пастаянная ўдзельніца гэтага конкурсу, і ўжо не першы раз мы выходзім на яго рэспубліканскі этап, — распавяла намеснік дырэктара ДУА «Гімназія г. Петрыкава» Наталля Несцярчук. — Але перамогу заваявалі ўпершыню. За гэтым поспехам стаіць вялікая праца ўсяго нашага педагагічнага калектыву, а таксама падтрымка нашых вучняў і іх бацькоў, іх уменне верыць у добрую казку і навагодняе чараўніцтва.

Дзедам Марозам сёлета выступіў выкладчык біялогіі Аляксандр Аляксеевіч Чычыкайла, настаўнік вышэйшай катэгорыі і таленавіты педагог. У скарбонцы яго педагагічных дасягненняў — падрыхтоўка стыпендыятаў Прэзідэнцкага фонду па падтрымцы таленавітай моладзі і ўдзел у навуковых канферэнцыях. І менавіта ён стаяў ля вытокаў удзелу гімназіі ў «Ёлка-фестах».

А лепшай Снягуркай краіны стала настаўніца пачатковых класаў Анастасія Русланаўна Кліменка, малады спецыяліст і выпускніца гэтай жа гімназіі, якая пасля ВНУ вярнулася выкладаць у alma mater.

— Нашы педагогі здолелі стварыць атмасферу казкі і заразіць верай у чараўніцтва ўсю залу, і ў тым ліку журы, — распавяла Наталля Васільеўна. — І калі ў канцы праграмы на сцэне з’явіўся жывы сімвал года — трусік Боня, прывезены з Нацыянальнага парку «Прыпяцкі», захапленню дзяцей не было мяжы. Гэтая перамога для ўсіх нас — зарад пазітыву на ўвесь год, яшчэ адна нагода ганарыцца і сваёй установай адукацыі, і сваім горадам.

Дзіяна РОНІНА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.