Салодкія гасцінцы і тры рэцэркулятары (прылады для ачысткі і абеззаражвання паветра) прывёз у падарунак навучэнцам Петрыкаўскага дзяржаўнага спецыяльнага прафесійна-тэхнічнага вучылішча закрытага тыпу № 1 лёгкай прамысловасці міністр жыллёва-камунальнай гаспадаркі Андрэй Хмель.
Такія сустрэчы перад навагоднімі святамі ў межах акцыі «Нашы дзеці» даўно стала добрай традыцыяй. Да прыезду высокага госця мясцовыя майстрыхі рыхтуюцца загадзя. Пішуць сцэнарый святочнага прадстаўлення, шыюць касцюмы, упрыгожваюць пакоі. Атрымліваецца ўсё гэта добра, бо ў руках у кожнай вучаніцы лічы што гатовая прафесія. А па завяршэнні навучання з вучылішча, куды дзяўчаты трапляюць цяжкімі падлеткамі, выходзяць дарослыя людзі з зусім іншым светапоглядам і швейнымі ўменнямі.
Дарэчы, па сцэнарыю, госці не проста глядзяць святочны канцэрт і гавораць урачыстыя словы, а становяцца актыўнымі ўдзельнікамі праграмы. Карагоды з Дзедам Марозам і Снягуркай, творчыя нумары, адмысловыя конкурсы і танцы — усё гэта разам.
Завіталі на свята і госці з раёну. Першы намеснік дырэктара-галоўны інжынер Белкамунпраекту Аляксей Чыгір падарыў дзяўчатам дзве мікрахвалёўкі, а дырэктар Петрыкаўскага райжылкамгасу Сяргей Гайчук — бытавы пыласос. Вядома, аднымі падарункамі абыйсціся не ўдалося — абавязковы ўдзел у агульнай святочнай атмасферы і забаўках гасцям таксама быў забяспечаны.
На развітанне Андрэй Хмель падзякаваў дзяўчатам і пажадаў ім берагчы і цаніць кожны пражыты дзень і напаўняць яго добрымі справамі і светлымі марамі:
— Няхай год будзе ўдалым і шчаслівым і запомніцца мноствам яркіх і пазітыўных момантаў. Жадаю моцнага здароўя вам і вашых блізкім. Перамены хай будуць толькі добрымі, а задуманае — ажыццяўляецца.
Ірына СІДАРОК
Фота з газеты «Петрыкаўскія навіны»
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
