Вы тут

Вядомыя імёны шоу «Фактар.by 60+»


Пакуль гледачы «Фактар.BY», што заваёўвае гучныя рэйтынгі на тэлеканале «Беларусь 1», вырашаюць лёс маладых удзельнікаў другога сезона. А паралельна ідзе падрыхтоўка да не менш вялікай прэм'еры. І творчая група Белтэлерадыёкампаніі раскрыла адну з галоўных таямніц праекта «Фактар.BY 60+».


У той час як на «Фактар. BY» працягваецца самая хвалюючая і непрадказальная барацьба паміж фіналістамі праекта, творчая каманда медыяхолдынга рыхтуе яшчэ адзін падарунак для аматараў музыкі — душэўнае і па-сапраўднаму сямейнае шоу «Фактар.BY 60+». Яго галоўнымі героямі стануць людзі ўзросту нашых бацькоў, дзядуляў і бабуль — усе тыя, хто захаваў у сэрцы любоў да песні і гатовыя заявіць пра гэта на ўсю краіну.

Канкурсанты выступяць на вачах вялікай тэлевізійнай і інтэрнэт-аўдыторыі, а таксама аўтарытэтных настаўнікаў і на ўласным прыкладзе дакажуць, што сцэну можна пакарыць у любым узросце. А прафесійную ацэнку артыстычнаму майстэрству ўдзельнікаў дадуць мэтры — вядомы тэле- і радыёвядучы і акцёр Уладзімір Бярэзін і артысты беларускай эстрады Вікторыя Алешка, Аляксандр Саладуха і Аляксандра Гайдук. Вядучымі шоу талентаў на сцэне і за кулісамі стануць Алена Спірыдовіч і Павел Лазовік.

Прэм'ера праекта «Фактар.BY 60+» запланавана на тэлеканале «Беларусь 1» у лютым будучага года адразу пасля заканчэння «маладзёжнай» версіі шоу. Усю актуальную інфармацыю і падрабязнасці можна знайсці на сайце Белтэлерадыёкампаніі www.tvr.by ці адсочваць у тэлеэфіры і на каналах Беларускага радыё, а таксама ў тэлеграм-канале Агенцтва тэленавін ATN_NEWS.

Алена ДРАПКО

Фота дадзена Белтэлерадыёкампаніяй

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».