У Кітаі сёлета апрацавалі звыш 100 мільярдаў пасылак

Паводле апошніх дадзеных, аб’ём дастаўкі кур’ерскімі службамі Кітая перавысіў 100 мільярдаў пасылак. Гэты паказчык дасягнуты раней, чым у мінулым годзе. Аб гэтым сведчаць дадзеныя Дзяржаўнага паштовага ўпраўлення КНР, перадае «Жэньмінь жыбаа» анлайн».

Дзякуючы хуткаму развіццю розных платформ электроннай камерцыі па ўсім Кітаі ўсё больш сельскагаспадарчай прадукцыі паступае на буйныя кірмашы краіны, а на рынку экспрэс-дастаўкі назіраецца паскораны рост у цэнтральных і заходніх рэгіёнах краіны. Такія тэндэнцыі адзначыў супрацоўнік Дзяржаўнага паштовага ўпраўлення Сюй Лянфэн. У ведамстве таксама заявілі, што будуць прасоўваць развіццё паслуг у гэтай сферы ў сельскіх раёнах краіны, ствараючы там больш пунктаў экспрэс-дастаўкі.