Персанальная выстава аўтарскага тэкстылю Маргарыты Леанідаўны Шчамялёвай «ЛІЧБЫ», «Гарошак Маркет», Міжнародная выстава кошак «Залаты Гран-пры Містэр Кот-2022», Творчая сустрэча з удзельнікамі беларуска-аўстрыйскай выставы мастацкага тэкстылю «Windows & Bridges» («Вокны і масты»), Выстава «Рамантызм ў творчасці Міхаіла Блішча», Выстава «Шкатулка каштоўнасцей», Выстава «Экзатарыум» — штотыднёвая афіша «Звязды».
Дзе: г. Мінск, вул. Рэвалюцыйная, 10
Калі: 11 лістапада
Колькі: 5 BYN — дарослым; 3,5 BYN — студэнтам/пенсіянерам, 2,5 BYN — школьнікам
11 лістапада ў 17:00 у Гарадской мастацкай галерэі твораў Л.Д. Шчамялёва адбудзецца адкрыццё персанальнай выставы аўтарскага тэкстылю Маргарыты Леанідаўны Шчамялёвай «ЛІЧБЫ», прысвечанай юбілею мастака. Выстава падрыхтавана сумесна з Беларускім саюзам мастакоў у рамках V трыенале дэкаратыўнага мастацтва «Дэкарт-22».
Выстава аўтарскага тэкстылю «ЛІЧБЫ» — гэта спроба мастака адрэфлексаваць адначасовую страту траіх блізкіх людзей, пражыць гэты цяжкі час, зафіксаваць моманты болю, радасці ад добрых успамінаў, страху перад жыццём без іх і ўсведамленнем таго, што трэба ісці далей не гледзячы на ўсё — працягнуць свой шлях. Кожная праца — эмацыянальны дзённік стану і шчырая падзяка самой сабе.
Шмат гадоў Маргарыта Шчамялёва працуе ў Беларускай дзяржаўнай акадэміі мастацтваў дацэнтам кафедры касцюма і тэкстылю. Займаецца мастацкім ткацтвам, працуе ва ўнікальнай і складанай тэхніцы ручнога перапляцення нітак на спецыяльнай драўлянай раме. За гады творчасці Маргарыта Леанідаўна стварыла дзясяткі яркіх, арыгінальных работ.
На выставе аўтарскага тэкстылю «ЛІЧБЫ» прадстаўлена больш за 20 работ Маргарыты Шчамялёвай. Мастак шмат эксперыментуе з формай, колерам, фактурай, выкарыстоўвае розныя матэрыялы. Работы асацыятыўныя і заўжды эмацыянальныя, пачуццёвыя. Яркасць і каларыт работ аўтара вядомыя ў Беларусі і за мяжой.
Дзе: г. Мінск, ARENA city, пр-т Пераможцаў, 84 / Galleria, пр-т Пераможцаў, 9 / МОМО, пр-т Партызанскі, 150а
Калі: 11 — 13 лістапада
Колькі: бясплатна
На гэтых выходных вас чакаюць:
Дзе: г. Мінск, Палац спорту, пр-т Пераможцаў, 4
Калі: 12—13 лістапада
Колькі: 6 BYN — дарослым; 5 BYN — дзецям; да 5 гадоў бясплатна
Выстава такога фармату праводзіцца ў Беларусі толькі адзін раз у год.
У прасторнай зале, пад адным дахам збяруцца пераможцы і прызёры шматлікіх нацыянальных і міжнародных конкурсаў і праектаў, а таксама кошкі і кацяняты разнастайных парод і афарбовак, ад вядучых заводчыкаў з усіх абласцей Беларусі і іншых краін.
Гасцей чакае цікавае і яркае падарожжа ў дзіўны свет кошак, забаўляльная шоу-праграма, арыгінальны інтэрактыў з котыкамі, конкурсы і прыемныя сюрпрызы.
У вялікай праграме выставы:
На выставе будзе праходзіць «Бэбі Салон кацянят» і кожны жадаючы зможа пагутарыць з прафесійнымі заводчыкамі і пазнаёміцца бліжэй з упадабанай яму пародай кошак, больш падрабязна даведацца аб характары і асаблівасцях ўтрымання. І, вядома, выканаць запаветнае жаданне — знайсці кацяняці сваёй мары.
Дзе: г. Мінск, Трэнінгавы дом Garetski, вул. Якуба Коласа, 27
Калі: 16, 23, 30 лістпада
Колькі: 20 BYN
«КінаКаучынг» — гэта душэўны, лёгкі, натхняльны, які развівае асобу трэнінг, напоўнены чароўнай атмасферай дабра, любові, прыняцця і падтрымкі, у якім сэрцы людзей адкрываюцца і асобы расцвітаюць.
Фармат праекта:
Серыя сустрэч перыядычнасцю раз у тыдзень па серадах. Збіраецца невялікая кампанія да 12 чалавек, якая глядзіць добры, напоўнены сэнсам мастацкі кінафільм. Пры дапамозе адмысловых практыкаванняў здабываюцца каштоўныя адказы на актуальныя пытанні пра сябе, свайго жыцця, а пасля абмяркоўваюцца псіхалагічныя працэсы убачанага.
Як праходзіць сустрэча?
Паколькі на сустрэчу могуць прыйсці абсалютна незнаёмыя людзі, а арганізатарам важна, каб вечар быў сапраўды цёплым, шчырым і адкрытым, адбываецца ўсё наступным чынам:
Праект падыходзіць для ўсіх жадаючых. А яго місія — супольнасць жывых, сапраўдных людзей. Каштоўнасці праекта: узаемная павага, роўнасць, давер, шчырасць, развіццё, экалагічнасць, творчасць.
Прыняць удзел таксама вельмі лёгка: запісацца тут garetski.com
Арганізатар і вядучы праекта: Канстанцін Гарэцкі — кауч-трэнер, кансультант, арт-тэрапеўт.
Дзе: г. Мінск, галерэя «Універсітэт культуры», Кастрычніцкая плошча, 1 (Палац Рэспублікі).
Калі: да 12 лістпада
Колькі: бясплатна
На выставе прадстаўлена больш за 50 творчых работ выпускнікоў і навучэнцаў у такіх відах выяўленчага мастацтва, як графіка і плакат.
Мастацкія вобразы твораў выяўляюць падчас унікальныя кампазіцыйныя спалучэнні сэнсу і зместу, дэманструюць шырокі дыяпазон творчых манер, а таксама значную ўвагу да каляровай гамы, каларыту, тону, прасторавай глыбіні, пластыкі і яскравай вобразнасці. Відавочна, кожны ўдзельнік выставы дэманструе свой талент і асабісты стыль.
Нягледзячы на ўзнікненне інавацыйных тэхнік, выстава ў цэлым сведчыць аб пераемнасці традыцый у беларускім выяўленчым мастацтве.
Дзе: г. Мінск, Музей гісторыі тэатра і музыкі, зав. Музычны, 5
Калі: да 13 лістпада
Колькі: па квітку на пастаянную экспазіцыю музея
Пачала сваю працу выстава «Тэатр, час, жыццё...», якая прысвечана да 90-годдзя Нацыянальнага акадэмічнага драматычнага тэатра імя М. Горкага. Гісторыя стварэння Тэатра бярэ свой пачатак у двадцатыя гады мінулага стагоддзя.
На выставе будуць прадстаўлены афішы, праграмы і сцэнаграфія да спектакляў розных часоў. А таксама касцюмы, фатаграфіі і асабістыя рэчы вядомых дзеячаў тэатра.
Дзе: г. Мінск, Арт-гасцёўня «Высокае мѣста», Герцэна, 2а
Калі: да 13 лістпада
Колькі: 5 BYN — дарослым; 3,5 BYN — студэнтам/пенсіянерам; 2,5 BYN — школьнікам
У Арт-гасцёўні «Высокае мѣста» прадстаўлены для гледачоў мастацкі праект Таццяны Макляцовай «Transition» («ПераХод»).
Англамоўная назва мастацкага праекта Таццяны Макляцовай «Пераход» з’явілася зусім не выпадкова. На думку мастачкі слова «Transition» акрэслівае больш шырокі спектр лексічных значэнняў, кожнае з якіх у пэўным кантэксце закранае яе творчасць і адлюстроўвае адну з граняў прадстаўленага праекта. Яго цэнтральны вектар — адлюстраванне трансфармацый у творчай манеры Таццяны Макляцовай, руху яе мастацкай свядомасці і пераходаў ад аднаго тыпу вобразна-пластычнага мыслення да другога. На гэтым шляху змяняліся мастацкія прыёмы, да якіх звярталася Таццяна Макляцова, і сродкі выразнасці ў яе кампазіцыях.
На выставе будуць прадстаўлены творы, якія экспанаваліся раней і новыя кампазіцыі. Экспазіцыя аб’яднана агульнай канцэпцыяй «Пераходу», у кантэксце якой важнымі дамінантамі з’яўляюцца ўласныя эмоцыі мастачкі і асаблівая яе ўвага да архітэктонікі кампазіцыі, колеру, фактуры. Эксперымент, які мастачка выбрала як асноўную стратэгію ў сваёй творчасці, не толькі спрыяе дынаміцы мастацкага працэсу, але спараджае навізну і арыгінальнасць у яе кампазіцыях. Да таго ж, шматузроўневая па сваёй сутнаці мастацкая мова дазваляе ўспрымаць кожны яе твор ва ўзаемасувязі некалькіх вобразных сэнсаў.
Кожны з твораў Таццяны Макляцовай вылучаецца падкрэсленай асацыятыўнасцю і ўяўляе сабой паліфанічны калейдаскоп думак і эмоцый, які прадстаўляе гледачу шырокае поле для інтэрпрэтацый сэнсаў і вобразаў.
Выстава «Невядомае аб вядомым. Пра што кажуць кветкі»
Дзе: г. Мінск, Мастацкі музей, вул. Леніна, 20
Калі: да 13 лістпада
Выстава «Невядомае аб вядомым. Пра што кажуць кветкі» дазваляе гледачу даведацца таемныя паслання, зашыфраваныя ў творах выяўленчага і дэкаратыўна-прыкладнога мастацтва. Экспазіцыя арганізавана пераважна такім чынам, каб склалася ўяўленне аб развіцці флорасімволікі ў розных краінах і культурах.
Асобны зала экспазіцыі прысвечаны сімволіцы колераў у беларускім народным мастацтве. У экспануемых прадметах — посцілках, ручніках, кашулях, фартухах — перададзеныя арнаментаваныя пасланні ад нашых продкаў. У іх сканцэнтраваныя іх надзеі, просьбы, мары і многае іншае. Вытканыя рукамі арнаменты лічыліся цудадзейнымі. Ствараючы іх, нашы продкі хацелі змяніць нешта вакол сябе, у сваім лёсе, у сваім жыцці, спрабавалі паўплываць на прыродныя сілы і на навакольных людзей.
На выставе «Невядомае аб вядомым. Пра што кажуць кветкі» прадстаўлены працы з калекцыі Нацыянальнага мастацкага музея Рэспублікі Беларусь і карпаратыўнай калекцыі ААТ «Белгазпрамбанк».
Куратар выставы — Вікторыя Вінічэнка, старшы навуковы супрацоўнік аддзела замежнага мастацтва.
Дзе: г. Мінск, пр. Дзяржынскага, 3Б
Калі: да 13 лістапада
Колькі: 6/12 BYN
Упершыню ў Мінску, дзіўная Міжнародная выстава «Музей Торта» адкрыла свае дзверы для ўсіх жадаючых.
На плошчы амаль у 1000 м2 вас чакае:
«Музей Торта» — адзіны ў сваім родзе адукацыйна-забаўляльны праект, прысвечаны торту. Праект-выстава дорыць выдатныя эмоцыі, пачуцці радасці і шчасця, раскрываючы велізарны патэнцыял тартоў і іншых прысмакаў, як бясконцых крыніц забавы, натхнення і пазнання.
Дзе: г. Мінск, Атрыум, пр. Незалежнасці, 116
Калі: да 15 лістапада
Колькі: па чытацкім білеце або білеце сацыякультурнага цэнтра
Выстава «Карункавая гісторыя» прадстаўляе работы, выкананыя творчым тандэмам Генадзя і Святланы Вяль. Разам мастакі скончылі мастацка-графічны факультэт Віцебскага педагагічнага інстытута і ўжо больш за 40 гадоў ідуць поруч і ў прафесіі, і ў творчасці, і па жыцці. Майстра эстампа, малых формаў графікі Генадзя і майстрыху ручнога мастацкага ткацтва і выцінанкі Святлану аб’ядноўвае і тое, што абодва прысвяцілі жыццё навучэнню юных берасцейцаў асновам выяўленчага мастацтва.
У экспазіцыі Генадзь і Святлана Вяль прадстаўляюць экслібрысы і графіку, выцінанкі і габелены. Кожны твор — асобная старонка агульнай карункавай гісторыі брэстскіх мастакоў. Мастацтва экслібрыса і мастацтва выцінанкі імкнуцца захоўваць старажытныя традыцыі, спалучаць іх з сучаснымі аўтарскімі вынаходкамі.
«Карункавая гісторыя» — шматстаронкавы аповед аб шчырым захапленні культурай і літаратурай, аб аматарах кнігачытання, кніжных знакаў і ўладальніках бібліятэк, аб нацыянальных беларускіх вобразах, традыцыях і традыцыйных рамёствах, сяброўстве, каханні, веры і надзеі.
Час працы выставы: пн.—пт. 10:00 — 21:00, сб.—нд.: 10.00–18.00
Дзе: г. Мінск, вул. Рэвалюцыйная, 10
Калі: 18 лістапада
Колькі: 10 BYN — дарослым; 8 BYN — студэнтам/пенсіянерам, 6 BYN — школьнікам
18 лістапада ў 17:00 у Гарадской мастацкай галерэі твораў Л.Д. Шчамялёва адбудзецца творчая сустрэча з удзельнікамі беларуска-аўстрыйскай выставы мастацкага тэкстылю «Windows & Bridges» («Вокны і масты»).
Выстава «Windows & Bridges» — гэта ўнікальны міжнародны праект, які ўпершыню аб’яднаў у адзінай выставачнай прасторы беларускае і аўстрыйскае сучаснае мастацтва тэкстылю маладога пакалення мастакоў.
У гасцей творчай сустрэчы будзе ўнікальная магчымасць пазнаёміцца асабіста з мастакамі-удзельнікамі выставы, даведацца з першых вуснаў аб канцэпцыях твораў, спытаць «што хацеў сказаць аўтар?», «як гэта зроблена?» і многія іншыя пытанні.
Колькасць месцаў абмежавана. Рэгістрацыя па адрасе: artgalleryminsk@gmail.com
Бясплатны бонус чакае гасцей творчай сустрэчы, а менавіта наведванне персанальнай выставы аўтарскага тэкстылю Маргарыты Леанідаўны Шчамялёвай «Лічбы», прысвечанай юбілею мастака. Выстава падрыхтавана сумесна з Беларускім саюзам мастакоў у рамках V трыенале дэкаратыўнага мастацтва «Дэкарт-22».
Дзе: г. Мінск, вул. М.Багдановіча, 7а
Калі: да 18 лістапада
Творы вядомых скульптараў Льва і Сяргея Гумілеўскіх даўно ўвайшлі ў скарбніцу беларускай культуры. Мастацкія працы, створаныя таленавітымі рукамі бацькі і сына, з’яўляюцца своеасаблівым манументальным летапісам беларускага мастацтва ХХ-ХХІ ст.ст., упрыгожваюць гарады, захоўваюцца ў фондах вядомых музеяў Беларусі і замежжа.
Сумесная творчасць скульптараў вылілася ў прыгожыя помнікі Кірылу Тураўскаму ў Гомелі, Вінцэнту Дуніну-Марцінкевічу ў Бабруйску, Францішку Багушэвічу ў Смаргоні, Вацлаву Ластоўскаму ў Глыбокім. Прыгожы помнік Максіму Багдановічу, аўтарамі якога сталі Леў і Сяргей Гумілеўскія, паўстаў у месцы спачыну паэта ў Ялце, у 2003 годзе.
На жаль, Народны мастак Беларусі Леў Гумілеўскі ужо пакінуў гэты свет, але справу працягвае яго сын. Ён беражліва захоўвае мастацкую спадчыну Льва Мікалаевіча і працягвае ствараць новыя творы. Выстава скульптуры Льва і Сяргея Гумілеўскіх «А сэрца ўсё імкне да бацькаўскага краю...» прэзентуе мастацкія творы розных жанраў і відаў. Але ўсе яны аб’яднаныя адной тэмай — тэмай павагі да Максіма Багдановіча і яго творчасці, тэмай любові да Беларусі, якая з’яўляецца невычарпальнай крыніцай натхнення...
Выстава працуе ў аўторак-нядзелю з 10:00 да 18:30.
Дзе: г. Мінск, Музей гісторыі тэатра і музыкі, зав. Музычны, 5
Калі: да 18 лістапада
Колькі: па квітку на пастаянную экспазіцыю музея
Міхаіл Андрэевіч Блішч нарадзіўся 7 лістапада 1917 года ў в. Заспа, Рэчыцкага раёна, Гомельскай вобласці. Дэкарацыям Міхаіла Андрэевіча Блішча ўласціва кампазіцыйная выразнасць, рэалістычная трактоўка вобраза, паэтычнасць, рамантычная ўзнёсласць.
На выстаўцы будуць прадстаўлены эскізы дэкарацый да опер «Машэка», «Марынка», «Князь Ігар», «Сівільскі цырульнік», да балетаў «Лаўрэнсія» і «Жызэль», якія ставіліся ў Беларускім дзяржаўным акадэмічным Вялікім тэатры оперы і балета Рэспублікі Беларусь у розныя часы.
Дзе: г. Мінск, Галерэя Мастацтва, пр-т Незалежнасці, 12я
Калі: да 24 лістапада
Колькі: 3 BYN
Кожны перыяд жыцця дыктуе свае ўмовы. Мяняецца мода на каштоўнасці. Яшчэ зусім нядаўна мы стараліся пазбавіцца ад старых рэчаў, замяняючы іх пластыкам і поліэтыленам. А цяпер беражліва захоўваем старыя бляшаныя скрынкі, скрыначкі і люстэркі без амальгамы, з налётам паціны і іржы. Акуратна дастаем перад святамі алавяных салдацікаў і цацачныя параходы.
«Галерэя Мастацтва» прадстаўляе выставу жывапісу Уладзіміра Голубева «НEактуальНО». «Тэма іржы для мяне была вельмі цікавая сама па сабе, як тэхналагічны працэс, а сёння гэта вельмі актуальна», — лічыць Уладзімір Голубеў.
Экспазіцыя сабрана блокамі. Узнікаюць модныя, канцэптуальныя сторыс. Адна праца з’яўляецца працягам другой.
На выставе будуць прадстаўлены работы створаныя за перыяд 2013-2022 гадоў.
Дзе: Музей-майстэрня З. Азгура, г. Мінск, вул. Азгура, 8
Калі: да 25 лістапада
Колькі: 10 BYN
Адметнай асаблівасцю праекта з’яўляецца выкарыстанне спецыяльных бесправадных навушнікаў, якія працуюць на радыёчастоце. Дзякуючы гэтай тэхналогіі, паказы праходзяць у бясшумным рэжыме і арганічна ўпісваюцца ў існуючую гарадское асяроддзе, не парушаючы нічый спакой.
У восеньскі перыяд паказы ажыцяўляюцца ў скульптурнай зале музея. Бесправадныя навушнікі можна атрымаць на ўваходзе ў дворык пры прад’яўленні білета. Па заканчэнні сеансу яны падлягаюць вяртанню.
Усе фільмы ў рамках праекта #shhh дэманструюцца на мове арыгіналу з рускімі субтытрамі.
Фільмы:
Дзе: г. Мінск, вул. Рэвалюцыйная, 10
Калі: да 30 лістапада
Колькі: 5 BYN — дарослым; 3,5 BYN — студэнтам/пенсіянерам, 2,5 BYN — школьнікам
У Гарадской мастацкай галерэі твораў Л.Д. Шчамялёва пачала працу Беларуска-аўстрыйскай выстава мастацкага тэкстылю «Windows & Bridges», што з ангельская перакладаецца як «Вокны і масты».
Выстава «Windows & Bridges» — гэта ўнікальны міжнародны праект, які ўпершыню аб’яднаў у адзінай выставачнай прасторы беларускае і аўстрыйскае сучаснае мастацтва тэкстылю маладога пакалення мастакоў. Аўтары ідэі і куратары праекта Мануэль Вандл (Аўстрыя) і Хрысціна Высоцкая (Беларусь) прапануюць гледачам пагрузіцца ў шырокае па багацці канцэпцый, формаў, матэрыялаў і тэхнік мастацкае пераасэнсаванне тэмы.
Масты — гэта канструкцыі, якія забяспечваюць праход праз перашкоды, злучаюць прасторы, паскараюць кантакты і дазваляюць абменьвацца таварамі, інфармацыяй. Яны з’яўляюцца зонамі сустрэчы культур. Вобраз моста таксама сімвалізуе абмен прафесійным вопытам, ведамі, атрыманымі гістарычнай спадчынай і этычна-сацыяльнымі праектамі.
Праца над праектам «Windows & Bridges» пачалася ў кастрычніку 2021 года. Куратары паставілі перад сваімі студэнтамі няпростую творчую задачу — канцэптуальна пераасэнсаваць фармальна-пластычныя, ідэйна-сэнсавыя, вобразныя і філасофскія значэнні вокнаў і мастоў, з дапамогай мовы мастацкага тэкстылю і змешаных тэхнік. У выніку атрымаўся ўнікальны міжкультурны вопыт творчай працы. У экспазіцыі выставы прадстаўлена больш за 30 плоскасных, аб’ёмных і аб’ёмна-прасторавых твораў 19 аўтараў, выкананых у традыцыйных, аўтарскіх і эксперыментальных тэхніках тэкстылю і мікс-медыя.
Дзе: г. Мінск, Музей ката, вул. Інтэрнацыянальная, 23
Калі: да 30 лістапада
Колькі: 12 BYN — дарослым; 10 BYN — студэнтам/дзецям
Гэтай восенню «Музей Ката» падорыць наведвальнікам ўтульную і цёплую атмасферу. Наведвальнікаў чакае займальнае зносіны з катамі і кошкамі, творы мастацтва, і шмат іншых забаў на кашэчую тэматыку.
Котакавярня, размешчаная ў «Музеі Ката», дае кожнаму наведвальніку гарачыя напоі і прысмакі ў падарунак.
Коцікі, якія жывуць у Музеі Ката, у мінулым бяздомныя. Пасля ператрымкі і ветэрынарнага агляду яны трапляюць у музей, а затым прыбудоўваюцца ў добрыя рукі.
Дзе: г. Мінск, «Коцікі таксама людзі», пр-т Дзяржынскага, 131
Калі: да 2 снежня
Колькі: 5 BYN
Незвычайная мастацкая прастора ў Мінску «Малінавы кот» прадставіла выставу жывапісу «Кот, які заблукаў у траве» Анастасіі Шылягінай.
Творчасць мастачкі прадстаўляе той рэдкі выпадак, калі аўтар яшчэ напачатку прафесійнага шляху выпрацоўвае непаўторны і пазнавальны почырк. Вытанчаная прыгажосць, расповяд з незлічонай колькасцю падрабязнасцяў, даступная і зразумелая мастацкая мова робяць творы Анастасіі надзвычай прыцягальнымі.
Палотны Анастасіі прасякнутыя сімволікай. Своеасаблівые адносіны мастачкі да прыродных формаў роднасныя вельмі архаічнаму, язычніцкаму стаўленню да наваколля. Падманлівы рэалізм работ заварожвае. А нечаканы і паэтычны вобраз коціка, які ловіць хвалю настрою адначасовых трывогі і неверагоднай асалоды адчуванняў багацця водараў, гукаў і прасторы, сугучны чалавечаму ўспрыманню таямнічай прыроды.
Насычаючы выкшталцоную форму зместам, мастачка стварае ілюзію прысутнасці, абсалютнага заглыблення ў стыхію, дзе ў мудрагеліста пераплеценых узорах травы нараджаюцца карціны некранутага свету, які поўніцца невычарпальнымі жыццёвымі сіламі.
Дзе: г. Мінск, Гасцёўня У.Галубка, вул. Старавіленская, 14
Калі: да 4 снежня
Колькі: 4 BYN — дарослым; 3 BYN — студэнтам, 2,5 BYN — дзецям
На выставе прадстаўлены работы Галіны Крываблоцкай, аб’яднаныя адной тэмай — любові да Радзімы.
Творчая дзейнасць мастачкі шматгранная: акварэль, калаж, батык, габелен. Аднак асноўнае месца ў яе творчасці займае габелен, ва ўсіх яго праявах, ад міні-габелена да манументальных габелен-заслонаў.
Майстар мае шырокі дыяпазон тэматычнай накіраванасці: ад сюжэтаў флоры і фауны да імправізацый на тэму касмічнага характару, ад тэм камернага гучання да вобразаў маштабнага значэння. Для іх асваення аўтар карыстаецца мовай мастацка-вобразных асацыяцый, алегорый і абагульненняў.
Працы Галіны Крываблоцкай экспануюцца і захоўваюцца ў фондавых калекцыях вядучых музеяў, дзяржаўных устаноў Рэспублікі Беларусь і прыватных калекцыях. Член Беларускага саюза мастакоў з 1985 г. Удзельнік мастацкіх выставак з 1976 г.
Дзе: г. Мінск, Мастацкі музей, вул. Леніна, 20
Калі: да 11 снежня
Колькі: аа ўваходным квітку ў галоўны корпус музея
У Нацыянальным мастацкім музеі Рэспублікі Беларусь адкрылася выстава «Шкатулка каштоўнасцей» (традыцыйныя ўпрыгожванні народаў Еўразіі XVIII–XX стагоддзяў) з калекцыі Расійскага этнаграфічнага музея (г. Санкт-Пецярбург).
На выставе прадстаўлена каля 250 шэдэўраў, якія характарызуюць ювелірную традыцыю і эстэтычныя густы амаль 40 народаў Расійскай імперыі. Гэта тыповыя рэчы для народнай культуры, якія бытавалі з канца ХVІІ па пачатак ХХ ст.
У сілу эстэтычнай каштоўнасці і значнай напоўненасці сімвалічнымі сэнсамі ўпрыгожванні нярэдка выбіраліся прадстаўнікамі народаў, якія засялялі Расійскую імперыю, для дароў членам імператарскай фаміліі. Некаторыя з такіх дароў, што захоўваліся ў сховішчах імператарскіх і вялікакняскіх палацаў, прадстаўлены на выставе.
Дзе: г. Мінск, Мастацкі музей, вул. Леніна, 20
Калі: да 11 снежня
У Нацыянальным мастацкім музеі працуе выстава «Альгерд Малішэўскі. Рэтраспекцыя», якая прысвечана творчасці Альгерда Адамавіча Малішэўскага, заслужанага дзеяча мастацтваў БССР.
Прафесійную адукацыю Альгерд Малішэўскі атрымаў у Харкаўскім дзяржаўным мастацкім інстытуце. Вучыўся ў вядомых дзеячаў мастацтваў —Пятра Іванавіча Котава і Дзмітрыя Мікалаевіча Шавыкіна. Пасля заканчэння інстытута вярнуўся ў Беларусь. І ў наступным годзе пачалася яго выкладчыцкая дзейнасць, якая стала легендарнай. У Мінскім мастацкім вучылішчы ён працаваў 28 гадоў. У 1956 годзеў ступіў у Саюз мастакоў БССР.
Малішэўскі быў адным з тых мастакоў, хто дапамагаў таленавітай моладзі. Ён быў адным з нямногіх, хто падтрымаў забароненую выставу 1985 года «1+1+1+1+1+1=6» у Доме літаратараў, а таксама з энтузіязмам успрыня стварэнне мастацкага аб’яднання «Няміга’17». Акрамя таго, мастак быў удзельнікам адной з выстаў гэтага аб’яднання, якая прайшла ў 1988 годзе ў Палацы прафсаюзаў, дзе былі прадстаўлены дваццаць палотнаў майстра.
Альгерд Адамавіч Малішэўскі, нажаль, рана пайшоў з жыцця. Уся яго творчасць гэта пастаянныя пошукі, імкненне да філасофскага асэнсавання творчасці.
Мастак працаваў у тэхніцы алейнага жывапісу, яго прыцягвалі многія жанры партрэт, пейзаж, тэматычная карціна, нацюрморт; усё падвяргалася пераасэнсаванню і пошуку свайго вобразнага дэкаратыўна-пластычнага почырку. На выставе экспануюцца работы з фондаў Нацыянальнага мастацкага музея, Беларускага саюза мастакоў і работы з сям’і мастака.
Дзе: г. Мінск, Музей Якуба Коласа, вул. Акадэмічная, 5
Калі: да 25 снежня
У Дзяржаўным літаратурна-мемарыяльным музеі Якуба Коласа пачала працу выстава мастацкіх работ Ядвігі Сенько.
Мастачка нарадзілася ў Маладзечанскім раёне і выхоўвалася ў каталіцкай сям’і. Цягу да іканапісу адчувала заўсёды, але спачатку, скончыўшы факультэт выяўленчага мастацтва Маскоўскага ўніверсітэта мастацтваў, працавала ў родным Маладзечне звычайным мастаком-афарміцелем у атэлье «Бярозка». Паварот у лёсе здарыўся ў 1997 годзе, калі дзяўчына ўбачыла ў газеце аб’яву аб тым, што крама «Праваслаўная кніга» ў Мінску запрашае да супрацоўніцтва іканапісцаў.
Ядвіга Сянько — аўтар звыш 2 тысяч ікон і карцін, якія можна ўбачыць у храмах Беларусі і за мяжой. Яе работы захоўваюцца ў прыватных калекцыях многіх краін свету. Амаль за дваццаць гадоў у розных гарадах нашай краіны прайшло больш 300 персанальных выставак гэтай таленавітай мастачкі. Сярод яе работ як праваслаўныя, так і каталіцкія іконы на самыя разнастайныя іканаграфічныя сюжэты.
На выстаўцы можна ўбачыць самыя вядомыя на Беларусі праваслаўныя і каталіцкія храмы, а таксама набыць работы таленавітай мастачкі.
Дзе: г.Мінск, вул. М.Багдановіча, 13.
Калі: да 31 снежня
У Дзяржаўным музеі гісторыі беларускай літаратуры працягвае працаваць часовая літаратурна-дакументальная экспазіцыі «Таямніцы дзеда Кандрата», прысвечанай 100-годдзю пачатку творчай дзейнасці народнага пісьменніка Беларусі Кандрата Крапівы.
Праект рэалізаваны пры ўдзеле Нацыянальнага гістарычнага архіва Беларусі, Нацыянальнага архіва Рэспублікі Беларусь, Нацыянальнай бібліятэкі Беларусі, філіяла «Гасцёўня Уладзіслава Галубка» Нацыянальнага гістарычнага музея Рэспублікі Беларусь, Беларускага дзяржаўнага архіва-музея літаратуры і мастацтва, Цэнтральнай навуковай бібліятэкі імя Якуба Коласа Нацыянальнай акадэміі навук Беларусі.
Прадметны шэраг экспазіцыі прадстаўлены матэрыяламі з фондаў музея (рукапісы, фотаздымкі розных гадоў, дакументы, сувеніры, асабістыя рэчы, кнігі) і прадметамі ўстаноў-партнёраў. Дапаўняюць выставу матэрыялы з сямейнага архіва пісьменніка, якія ніколі раней не экспанаваліся.
Наведвальнікі пазнаёмяцца з асноўнымі этапамі жыццёвага і творчага шляху Кандрата Кандратавіча, праявамі і таямніцамі яго шматграннага таленту. Так, напрыклад, сярод іншага пісьменнік паўстае як выдатны знаўца мовы. Напісаная пісьменнікам кніга філалагічных загадак-амонімаў «Загадкі дзеда Кандрата» адрасавана пакаленням беларускіх дзетак, каб яны не гублялі цікавасці да роднай мовы. Паводле гэтага выдання для маленькіх наведвальнікаў выставы сумесна з праектам «Скарбонка гульняў» распрацаваны інтэрактыўны дадатак — настольная гульня «Загадкі дзеда Кандрата».
Куратар — Кажамяка Святлана Уладзіміраўна. Тэл. +375 (17) 395-44-47.
Дзе: Музей «Лошыцкая сядзіба», г. Мінск, праезд Чыжэўскіх 8/2, 10
Калі: да 31 снежня
У прысядзібным флігелі музея «Лошыцкая сядзіба», філіяла ДУ «Музей гісторыі горада Мінска», працуе выстава «Прасы на ўсе лады», на якой прадстаўлена больш за 500 чыгунных, латунных, драўляных (!), вугальных і «з душой», газавых і спіртавых прасаў XVIII — пач. XX стст, а таксама ранніх мадэляў электрычных прасаў XIX-XX стст. з прыватных калекцый.
На выставе будзе цікава даведацца, што такім фразеалагізмам, як «сагрэць душу», «укладваць душу», нават «выняць душу» мы абавязаны прасу. У XVIII ст. у прамысловай вытворчасці з’явіўся прас з металічным бруском-укладышам — «душой» з націскам на першы склад. «Душу» кідалі ў печку, распалялі і ўстаўлялі ўнутр, а ад яе ўжо грэўся ўвесь прас. Прадстаўленыя на выставе латуневыя і бронзавыя прасы «з душой» маюць «гільяціну», фігурны дызайн ручак у выглядзе дэльфінаў, карыатыд і іншых міфічных істот.
Сярод незвычайных для сучасніка-прасы для більярднага стала, пальчатак, капелюшоў, «гафратары» руш і валанаў для сукенак-крыналінаў, а таксама каўнерыкаў для мужчынскіх кафтанаў, флутэры і некаторыя іншыя. Унікальнымі з’яўляюцца шкляны і паравы прасы.
Самых маленькіх наведвальнікаў пацешаць цацачныя прасы, міні-прасы, прас з саломы.
Дзе: Музей «Лошыцкая сядзіба», г. Мінск, праезд Чыжэўскіх 8/2, 10
Калі: да 31 снежня
Колькі: 5 BYN
Ммузей «Лошыцкая сядзіба», філіял ДУ «Музей гісторыі горада Мінска», запрашае на майстар-клас «Лялькі-берагіні» на выставе народнага дэкаратыўна-прыкладнога мастацтва «Скарбонка памяці».
Першыя лялькі з’явіліся ў глыбокай старажытнасці і з таго часу чалавек не растаецца з імі. Лялька захавала адгалоскі старажытных уяўленняў і вераванняў, уяўленні пра свет, дабрыню і прыгажосць.
Гульню ў лялькі нашы продкі-беларусы не лічылі пустой забавай, а наадварот, заахвочвалі. Верылі, што чым больш дзіця гуляе і старанна робіць ляльку, тым большы будзе дастатак у сям’і, а жыццё паспяховей.
На майстар-класе Вы даведаецеся, чым адрозніваюца лялькі «стаўбушкі», «пеленашкі», «неразлучнікі», «мотанкі», зможаце іх зрабіць з тканіны, як гэта рабілі нашы продкі да сярэдзіны мінулага стагоддзя.
Вырабляючы абярэг сваімі рукамі, вы перададзіце яму часцінку сябе. Працэс павінен праходзіць у добрым настроі. Задача лялькі абараніць чалавека ад «злых сіл», прыняць на сябе хваробы і няшчасці, а таксама дапамагчы дзецям праз лялечны свет увайсці у «дарослае жыццё», а дарослым ізноў адчуць сябе дзецьмі.
Лялькі-берагіні, якія выраблены сваімі рукамі, стануць абярэгам вашых сям’і і дзіцяці, цікавай цацкай для дзяцей, добрым падарункам любым матулям, бабулям і каханым.
Дзе: Музей кнігі, г. Мінск, пр-т Незалежнасці, 116
Калі: да 31 снежня
Колькі: па чытацкім білеце або білеце сацыякультурнага цэнтра
Выстава прысвечана гісторыі фарміравання фонда Нацыянальнай бібліятэкі Беларусі і дэманструе найбольш значныя і каштоўныя ўзоры беларускай і сусветнай кніжнай спадчыны, назапашанай за 100 гадоў.
Фонд галоўнай бібліятэкі краіны на сёняшні дзень налічвае звыш 10 млн. экз. дакументаў. У гэтым багацці ведаў вылучаецца сваёй унікальнасцю калекцыя рукапісных і друкаваных выданняў XV — пачатку XXI ст., якая пачала фарміравацца адначасова з заснаваннем бібліятэкі ў 1922 г. У яе аснову ўвайшлі былыя магнацкія і шляхецкія бібліятэкі, бібліятэчныя зборы розных устаноў, прыватныя кнігазборы вядомых дзеячаў культуры, мастацтва, навукі і г. д.
Асноўныя раздзелы экспазіцыі пазнаёмяць наведвальнікаў з калекцыямі рукапісаў, інкунабулаў, палеатыпаў, старадрукаваных кніг XVI–XVIII стст., рэдкіх кніг XIX — пачатку XXI ст.
Выстава прадставіць эвалюцыю кнігі і фондаў бібліятэкі. Тут можна будзе пабачыць кнігі на розных матэрыялах, пачынаючы з гліняных таблічак, пальмавых лістоў, пергамента, і заканчваючы паперай; і ў розных формах: ад скрутка да кодэкса. Шэраг асобнікаў экспануецца ўпершыню.
Дзе: г. Мінск, пл. Свабоды, 2А
Калі: да 31 снежня
Колькі: 6 BYN — дарослым, 4,5 BYN — студэнтам/пенсіянерам, 2,5 BYN — школьнікам
У Мінскай гарадской ратушы пачала працу выстава «Гарадскі праменад. Мінск на старых паштоўках». Экспануецца філакартычная калекцыя з прыватнага збору і паштоўкі з фондаў Літаратурнага музея Максіма Багдановіча.
Яшчэ сто гадоў таму амаль забытая ў наш час паштовая паштоўка была галоўным сродкам камунікацыі на адлегласці. Музейныя работнікі актыўна выкарыстоўваюць такія калекцыі вінтажных паштовак у сваёй працы, каб адсачыць змяненне аблічча горада, і цяпер Музей гісторыі горада Мінска прадстаўляе ўвазе наведвальнікаў Ратушы краявідныя фотапаштоўкі векавой даўнасці.
Экспазіцыя ўяўляе цікавасць для знаўцаў гісторыі горада, усіх, хто цікавіцца яго мінулым, а таксама філатэлістаў і філакартыстаў. Запрашаем здзейсніць падарожжа па вуліцах і плошчах дарэвалюцыйнага Мінска на нашай выставе, а потым прагуляцца па цэнтры і параўнаць, як наш горад змяніўся за апошнія сто гадоў.
Дзе: г. Мінск, Нацыянальны гістарычны музей, вул. К. Маркса, 12
Калі: да 23 студзеня
Колькі: 11 BYN — дарослым, 8 BYN — школьнікам/пенсіянерам, дзецям да 6 гадоў — бясплатна
У Нацыянальны гістарычны музей Рэспублікі Беларусь ужо сёмы раз адкрылся дзверы навагодняга выставачнага праекта «Музей ёлачных цацак»! Традыцыйна праект праходзіць сумесна з Заводам ёлачных цацак «ГРАЙ» («Ганарыся Рэчамі АЙчыны!»).
Выстава — частка найбуйнейшай сусветнай калекцыі ёлачных цацак, якая штогод папаўняецца новымі ўнікальнымі прадметамі з розных краін. Экспазіцыя раскажа гісторыю вытворчасці шкляных шароў і іншых упрыгажэнняў з сярэдзіны XIX стагоддзя да нашых дзён. Пазнаёміць з традыцыямі навагодніх святаў, як еўрапейскіх, так і экзатычных краін (Конга, Перу, Інданезія, Новая Зеландыя, Паўночная Карэя). Любімыя і знаёмыя большасці бацькоў навагоднія цацкі савецкага перыяду дазволяць расказаць дзецям традыцыі навагодніх святаў са свайго дзяцінства. Адным з акцэнтаў праекта будзе традыцыйны інтэрактыўны мініяцюрны калядны гарадок.
Шпацыруючы ўздоўж вітрын са старадаўнімі ўпрыгожваннямі для елак, каляровымі шарамі і вінтажнымі цацкамі, госці музея адчуюць атмасферу і цеплыню зімовых святаў, натхняцца на пошукі незвычайных падарункаў для сваіх блізкіх!
Навагодняя цацка — гэта не толькі святочнае ўпрыгожванне елкі, але і прадмет гонару калекцыянераў. У апошні час з’явілася традыцыя — падаваць незвычайныя ёлачныя шары ў якасці навагодняга падарунка.
У рамках праекта будзе працаваць фірменны магазін фабрыкі «ГРАЙ».
Дзе: г. Мінск, Музей прыроды і экалогіі, вул. Багдановіча, 9А
Калі: да 29 студзеня
Колькі: 6 BYN — дарослым, 5 BYN — студэнтам/пенсіянерам, навучэнцам/дзецям — 4 BYN, дзецям да 3 гадоў — бясплатна
У экспазіцыі госці выставы змогуць паназіраць за насельнікамі джунгляў і пустыняў, палюбавацца іх грацыёзнасцю, убачыць гібрыд каралеўскага пітона і суматранского пітона, полаза Байрда, насатага полаза Буланжэ, пацучынага полаза, жабу-рагатку, амурскага полаза, а так жа многіх іншых. Разнастайныя прадстаўнікі Азіі, Афрыкі і Амерыкі — яркія і экзатычныя — ўразяць сваім выглядам і звычкамі.
Выстава зацікавіць як дарослых, так і дзяцей. Для маленькіх наведвальнікаў будзе арганізавана інтэрактыўная зона.
Прэв’ю: pexels.com
Мерапрыемства праводзіцца на добраахвотнай аснове.
Не выявіць ні секунды абыякавасці.
