Вы тут

Гарэла стайня Рэспубліканскага цэнтра алімпійскай падрыхтоўкі коннага спорту і конегадоўлі ў Ратамцы


У прыёмнай генеральнага дырэктара ўстановы карэспандэнту «Звязды» паведамілі, што пажар пачаўся прыблізна а палове першай гадзіны дня. Усіх коней вывелі і выратавалі, у тым ліку дзякуючы выпадковым людзям, што апынуліся паблізу.


Фота: МНС

Як расказала афіцыйны прадстаўнік Мінскага абласнога ўпраўлення Міністэрства па надзвычайных сітуацыях Дзіяна ЖАЛЯЗНЯК, паведамленне аб узгаранні стайні ў цэнтр аператыўнага кіравання Мінскага раёна паступіла ў 12.44. «На месца неадкладна выехалі падраздзяленні МНС, — адзначылі ў ведамстве. — У час прыбыцця ратавальнікаў да месца надзвычайнага здарэння будынак стайні гарэў адкрытым полымем. У 13.11 пажар быў лакалізаваны, а ў 13.30 ратавальнікі канчаткова ліквідавалі надзвычайную сітуацыю. У выніку пажару агнём знішчаны дах стайні на плошчы 1300 квадратных метраў. Прычына ўзгарання ўстанаўліваецца».

Да прыбыцця падраздзяленняў МНС работнікамі цэнтра са стайні былі эвакуіраваны 44 кані. У выніку пажару ні жывёлы, ні людзі не пацярпелі.

Telegram-канал Следчага камітэта Беларусі дадае, што ўстаноўлена: конюх па ўласнай ініцыятыве выконваў работы з дапамогай балгаркі. Іскра трапіла на сена. Ад распаўсюджвання агню, па папярэдняй версіі, і адбылося ўзгаранне даху стайні. Следча-аператыўнай групай у другой палове дня фіксавалася следавая карціна, адбіралася неабходная дакументацыя. Прызначаны неабходныя экспертныя даследаванні для ўстанаўлення ўсіх абставін таго, што адбылося.

Загаловак у газеце: Людзі не пацярпелі, коней выратавалі

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».