Ваяж праз усю краіну ажыццявілі чатыры жыхаркі Жлобіна. Заехалі яны і ў Бешанковіцкі раён. Там апынуліся ў адной з невялікіх вёсак. Прыцягнулі «турыстак» не мясцовыя славутасці, а самотна пражываючыя старыя, паведамляе аддзяленне інфармацыі і грамадскіх сувязяў УУС Віцебскага аблвыканкама.
Так, на вочы кампаніі трапіўся дом 80-гадовай пенсіянеркі. Як пазней яна распавяла аператыўнікам, дзейнічалі «госці» па ўжо добра знаёмай праваахоўнікам схеме. Дзве жанчыны ўвайшлі ў дом і папрасілі вады, а трэцяя прайшла туды ж, але ўжо без дазволу і запрашэня. Пакуль увагу гаспадыні ўсяляк адцягвалі, зламысніца абшуквала жыллё ў пошуках грошай.
У выніку візіт скончыўся для пенсіянеркі згубай амаль 200 рублёў. Праўда, скарыстацца выкрадзеным у гастралёрш не атрымалася. Неўзабаве ўся кампанія была затрымана. Заведзане крымінальная справа. Таксама аператыўнікамі адпрацоўваецца інфармацыя аб дачыненні жанчын да здзяйснення іншых падобных злачынстваў.
Міліцыя ўсіх сельскіх жыхароў быць уважлівымі і асцярожнымі ў стасунках з незнаёмымі грамадзянамі. Калі ў вашым населеным пункце з’яўляюцца падазроныя асобы, якія ходзяць па дварах, паведаміце пра іх праваахоўнікам.
Сяргей РАСОЛЬКА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
