Тысячы ізраільцян 24 кастрычніка выйшлі на масавыя акцыі пратэсту па ўсёй краіне. Пра гэта паведамляе БелТА са спасылкай на ізраільскі партал Israelinfo.
Хваля пратэстаў пракацілася па ўсім Ізраілі, найбольш маштабныя акцыі прайшлі ў Ерусаліме і Тэль-Авіве. У сталіцы дэманстранты збіраліся каля рэзідэнцыі прэм’ер-міністра, блакуючы тым самым дарожны рух на прымыкаючых вуліцах.
Як паведамляе ізраільскі «9 канал», дэманстрацыі на цэнтральных вуліцах Ерусаліма завяршыліся сутыкненнямі з паліцыяй. Сем чалавек затрыманыя за парушэнне грамадскага парадку і напад на паліцэйскіх.
Ужо 18-ы тыдзень мітынгоўцы ў Ізраілі працягваюць выказваць незадаволенасць тым, як прэм’ер-міністр Біньямін Нетаньяху і яго кабінет спраўляюцца з крызіснай сітуацыяй, звязанай з COVID-19. Пратэстоўцы таксама абвінавачваюць Біньяміна Нетаньяху ў карупцыі і заклікаюць сысці ў адстаўку.
Раней у Ізраілі дзейнічалі абмежаванні на правядзенне пратэстных акцый падчас каранціну. Дазволеныя былі толькі невялікія дэманстрацыі з удзелам не больш за 20 чалавек на адлегласці не больш за аднаго кіламетра ад месца жыхарства.
З 18 кастрычніка ў Ізраілі пачаўся першы этап змякчэння уведзенага з 18 верасня і ўзмацненне жорсткасці да татальнага з 25 верасня карантыну. У краіне адноўлена работа дзіцячых садоў і дашкольных устаноў для дзяцей ва ўзросце да шасці гадоў; прадпрыемстваў, якія не маюць пастаянных наведвальнікаў. Таксама былі адменены абмежаванні на перамяшчэнне ў межах аднаго кіламетру ад месца жыхарства.
Канчаткова зняць жорсткія каранцінныя абмежаванні ў Ізраілі плануюць на працягу некалькіх тыдняў.
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».