«Белнафтахім»: Інфармацыя пра забастоўку на «Гродна Азоце» не пацвярджаецца 

Інфармацыя пра забастоўку ў  ААТ «Гродна Азот» не пацвярджаецца, паведаміў прэс-сакратар канцэрна «Белнафтахім» Аляксандр Цішчанка, піша БЕЛТА.

«Завод працуе, тэхпрацэсы (ідуць. — Заўвага. БЕЛТА) у штатным рэжыме. Забастоўкі няма. Інфармацыя ў Telegram-каналах не пацвярджаецца», — сказаў Аляксандр Цішчанка.

Паводле яго інфармацыі, сёння раніцай «група да 100 чалавек безвынікова спрабавала блакаваць выхад рабочых «Гродна Азот» на змену». «Большасць з гэтай групы ні да заводу, ні да прафесіі рабочага не маюць дачынення», — дадаў прэс-сакратар.

Аляксандр Цішчанка таксама адзначыў, што на іншых прадпрыемствах канцэрна абстаноўка штатная, яны працуюць у звычайным рэжыме.

Прэв’ю: БЕЛТА