Кіраўніком навуковага калектыву выступае загадчык кафедры інфармацыйных тэхналогій у экалогіі і медыцыне Міжнароднага дзяржаўнага экалагічнага інстытута імя А.Д.Сахарава БДУ Уладзіслаў Жураўкоў.
Рэсурс уяўляе сабой сайт з інтэрактыўнымі картамі асобнага рэгіёну. Яны ўключаюць інфармацыю аб паказчыках атмасфернага паветра, сцёкавых, падземных і паверхневых водах, хімічных забруджваннях зямлі, узроўню радыяцыі. Напрыклад, выбраўшы на карце пункт «атмасфернае паветра», можна ўбачыць дэталёвы аналіз па кампанентах, што ўтрымліваюцца ў паветры, і прааналізаваць узровень забруджвання. Такая інфармацыя дапаможа органам дзяржаўнай і мясцовай улады ў прыняцці кіраўніцкіх рашэнняў.
У цяперашні час праграмнае забеспячэнне інфармацыйнага рэсурсу «Сістэма анлайн-маніторынгу стану кампанентаў навакольнага асяроддзя» распрацавана для Оршы і Аршанскага раёна. Выбар мясцовасці абумоўлены прыроднай і прамысловай разнастайнасцю рэгіёну. Дадзеныя абнаўляюцца штомесяц супрацоўнікамі МДЭІ імя А.Д. Сахарава на аснове інфармацыі Рэспубліканскага цэнтра па гідраметэаралогіі, кантролі радыёактыўных забруджванняў і маніторынгу навакольнага асяроддзя, а таксама Рэспубліканскага цэнтра аналітычнага кантролю ў галіне аховы навакольнага асяроддзя.
Да 2025 года падобныя інфармацыйныя рэсурсы распрацуюць яшчэ для 10 населеных пунктаў Беларусі.
Надзея НІКАЛАЕВА
Прэв’ю: 900igr.net
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
