У інтэрнаце на тэрыторыі Свята-Елісавецінскага манастыра адбыўся пажар. Выратавалі дзвюх пенсіянерак

Пра інцыдэнт паведамілі на сайце МНС.

17 кастрычніка ў 23:57 у цэнтр аператыўнага ўпраўлення Мінскага раённага падраздзялення МНС паступіла паведамленне аб загаранні ў будынку інтэрната на тэрыторыі сястрынскага догляду Свята-Елісавецінскага манастыра.

Калі да месца выкліку прыбылі ратавальнікі, назіралася задымленне на першым паверсе двухпавярховага будынка інтэрната. Да прыбыцця падраздзяленняў МНС будынак пакінулі самастойна 14 чалавек, у тым ліку адно дзіця. Звяном газадымаахоўнай службы з пакоя на 1 паверсе выратаваны дзве пенсіянеркі, абедзве інваліды (апорна-рухальны апарат).

Загаранне адбылося на першым паверсе ў калідоры. Пажар лакалізаваны і ліквідаваны ратавальнікамі. Яго прычына высвятляецца. Версія, якая разглядаецца — парушэнне правілаў эксплуатацыі электрасетак і электраабсталявання (к/з электраправодкі).

У выніку агнём закураны сцены і пашкоджаны пластыкавы столь па ўсёй плошчы ў калідоры, у ванным пакоі; пашкоджаны тры дзвярных палатна і мэбля ў тамбуры. Пацярпелых няма.