Вы тут

На сцэну Вялікага тэатра вярнуўся балет «Шчаўкунок»


Адзін з самых прыгожых і казачных спектакляў у гісторыі балету зноў вярнуўся на беларускую сцэну — і вельмі своечасова. Таму што ў пару калядных і навагодніх святаў самы лепшы падарунак, які дазволіць і дзецям, і дарослым на нейкі час перанесціся з трывожнай сучаснасці — наведванне спектакля «Шчаўкунок».


Казачны балет Пятра Чайкоўскага з’явіўся ў новай рэдакцыі харэографа Валянціна Елізар’ева. Апошні раз ён быў паказаны ў Вялікім тэатры Беларусі сем год таму, 16 студзеня 2013-га году, у пастаноўцы дырыжора Аляксандра Анісімава і са сцэнаграфіяй Яўгенія Лысіка. Цяпер у якасці дырыжора — Вячаслаў Чарнуха-Воліч, сцэнограф застаўся тым жа. А легендарны харэограф Вячаслаў Елізар’еў, які на прэм’еры выйшаў на сцэну ў цыліндры аднаго з галоўных герояў казкі, чараўніка Драсельмеера, сцвердзіў: «Я спадзяюся, што мой зварот шмат што ўдакладніў у спектаклі, і ён зрабіўся больш стройны па думцы».

Пры гэтым у пастаноўцы засталася ўсё тая ж чароўная атмасфера, і ўсё тая ж нязменная мудрасць, якая змушае гледача паверыць у лепшае.

За час існавання на беларускай сцэне — а прэм’ера папярэдняй рэдакцыі адбылася ў 1982 годзе — у спектаклі былі задзейнічаныя найярчэйшыя зоркі беларуская балету. Галоўныя партыі ў прэм’ерным спектаклі, які адбыўся 13 кастрычніка 2020 года, выканалі Ірына Яромкіна, Алег Яромкін, Юрый Кавалёў, Карына Малахоўская, Таццяна Дубатоўка, Ксенія Ржэўская, Яна Штангей, Ягор Азаркевіч ды іншыя выдатныя артысты.

Людміла ІВАНОВА

Фота Яна ХВЕДЧЫНА

Выбар рэдакцыі

Культура

Ірына Відава: Такіх мужчын, як Алег Молчан, адзін на мільён

Ірына Відава: Такіх мужчын, як Алег Молчан, адзін на мільён

Чвэрць стагоддзя разам, і ніколі не было сумна ці нецікава адно з адным.

Культура

Успамінаем Янку Нёманскага, які быў забіты ў ноч з 29-га на 30-е ў 1937 годзе

Успамінаем Янку Нёманскага, які быў забіты ў ноч з 29-га на 30-е ў 1937 годзе

Як знік працяг рамана Янкі Нёманскага «Драпежнікі», прысвечанага лёсу рабочых шклозавода

Грамадства

Бяздзетныя па ўласным жаданні. ​Ці ва ўсім яны не маюць рацыі?

Бяздзетныя па ўласным жаданні. ​Ці ва ўсім яны не маюць рацыі?

Даслоўна англійскае слова «чайлдфры» перакладаецца як «свабодныя ад дзяцей». 

Грамадства

Карэспандэнты «Звязды» даведалiся, як працуюць ратавальнiкi-кiнолагi

Карэспандэнты «Звязды» даведалiся, як працуюць ратавальнiкi-кiнолагi

У Беларусi прайшлi спартыўныя спаборнiцтвы па службовым шматбор'i кiнолагаў.