Вы тут

Выйшаў трэці нумар брэсцкага краязнаўчага альманаха «Астрамечаўскі рукапiс»


У чарговым нумары — трэцiм за 2020 год — брэсцкага краязнаўчага альманаха доктар фiлалагiчных навук, кiраўнiк лабараторыi «Фалькларыстыка i краязнаўства» Брэсцкага дзяржаўнага ўнiверсiтэта iмя А. С. Пушкiна Iна ШВЕД нагадвае пра тое, што калядныя i валачобныя песнi з'яўляюцца iдэальнай мадэллю багатай гаспадаркi (артыкул «Така бiла вэлыка свынка iдэ за мною...»: вобраз свiннi ў фальклоры Берасцейшчыны»). Часам i смешна чытаюцца многiя цытаты, а часам за iмi i жыццё адразу вiдаць у самых розных праявах. Простае, сялянскае жыццё, якое i сёння патрабуе працавiтасцi, руплiвасцi, дбання ў гаспадарчых справах.


— Мы i альманах свой пры падтрымцы мясцовых улад з гэтай мэтай задумалi, каб сапраўднае жыццё праз краязнаўства, гiстарычныя, фальклорныя, этнаграфiчныя вышукi разгледзець, — дзелiцца развагамi рэдактар i ўкладальнiк «Астрамечаўскага рукапiсу» член Саюза пiсьменнiкаў Беларусi Аляксандр ВАЛКОВIЧ.

Нагадаем, што ў рэдакцыйную калегiю выдання ўваходзяць вучоныя, лiтаратары не толькi з Брэста, але i з Мiнска таксама. А навуковымi кансультантамi альманаха з'яўляюцца адразу два дактары фiлалагiчных навук — Адам Мальдзiс i Iна Швед.

У свежым выпуску «Астрамечаўскага рукапiсу» артыкулы, нарысы, карэспандэнцыi краязнаўчага, гiстарычнага, лiтаратурна-мастацкага характару змешчаны ў традыцыйных рубрыках: «Астрамечава i астрамечаўцы», «Народныя святы i звычаi Берасцейшчыны», «Скарбнiца народных талентаў», «Лiтаратурная сядзiба», «Кнiжная зала», «Калаўрот культурнага жыцця», «Старонкi гiсторыi», «Беларусь памятае». Па традыцыi выданне багата iлюстраванае. У тым лiку — i архiўнымi, старымi фотаздымкамi.

Мiкола РАЎНАПОЛЬСКI

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.