22 кастрычніка, чацвер

Вы тут

Дзеці з Беларусі могуць паспрабаваць сябе ў ролі спартыўнага каментатара


Беларускія дзеці да 15 кастрычніка могуць падаць заяўкі на ўдзел у Міжнародным конкурсе юных каментатараў ва ўзроставай катэгорыі 9-14 гадоў у сацыяльных сетках Facebook, Instagram і Youtube у рамках міжнароднага праекта «Футбол для сяброўства».


Дзеці з нашай краіны традыцыйна прымаюць удзел у Міжнароднай дзіцячай сацыяльнай праграме «Футбол для сяброўства». Восьмы сезон праграмы аб’яднае больш за 10 тысяч удзельнікаў з усяго свету і пройдзе ў анлайн-фармаце.

У новым сезоне працягне работу Міжнародны дзіцячы прэс-цэнтр, дзе ўдзельнікі паспрабуюць сябе ў ролі спартыўных журналістаў і будуць асвятляць падзеі праграмы ў сваіх краінах, рыхтаваць навіны для нацыянальных і міжнародных спартыўных СМІ. У гэтым годзе Міжнародны дзіцячы прэс-цэнтр абвясціў анлайн-конкурс Юных каментатараў, пераможцы якога будуць каментаваць анлайн-чэмпіянат «Футбола для сяброўства».

Для ўдзелу ў конкурсе дзецям неабходна зняць відэа, у якім трэба пракаментаваць на англійскай мове ўрывак футбольнага матча (VIDEO) даўжынёй у адну хвіліну, адным дублем, без мантажу, і выкласці ролік ў сацыяльных сетках з хэштэгам #F4FCommentator з указаннем свайго ўзросту і краіны пражывання.
Конкурс пройдзе ў два этапы. На першым, да 15 кастрычніка, будуць адабраны лепшыя каментатары ў кожнай краіне. На другім, да 9 лістапада, пройдзе анлайн-галасаванне па выбары пераможцы. Вынікі конкурсу будуць падведзены 15 лістапада.

Удзельнікі конкурсу атрымаюць каштоўныя прызы ад Міжнароднай дзіцячай сацыяльнай праграмы «Футбол для сяброўства»: набор прафесійнага стрымінгавага аўдыё-відэа абсталявання і сувеніры з сімволікай праекта.

Даведка 

Міжнародная дзіцячая сацыяльная праграма «Футбол для сяброўства» рэалізуецца «Газпрамам» з 2013 года. За мінулыя сем сезонаў праграма ахапіла 211 краін і рэгіёнаў, аб’яднала больш за 6 тысяч удзельнікаў і набыла звыш 5 мільёнаў прыхільнікаў.

Прадстаўнікі Беларусі бяруць удзел у Міжнароднай дзіцячай сацыяльнай праграме «Футбол для сяброўства» з 2014 года. У сёмым сезоне праекта Беларусь прадстаўлялі чатыры юных футбалісты: Сафія Мяцельская і Яна Сташкова, выхаванкі футбольнага клуба «Minsk Ladies», Ганна Гадзінская і Мелана Сураўцава, выхаванкі футбольнага клуба ФК «Мінск». Каманда дзяўчынак была ў Мадрыдзе пад кіраўніцтвам трэнера-выкладчыка футбольнага клуба «Мінск» Яўгена Шпакова.

Сяргей РАСОЛЬКА

Прэв’ю: championat.com

Выбар рэдакцыі

Грамадства

Транспарт вялiкага горада. Пра новыя маршруты, электробусы i трэцюю лiнiю метро

Транспарт вялiкага горада. Пра новыя маршруты, электробусы i трэцюю лiнiю метро

 У Мiнску цяпер працуе 199 маршрутаў аўтобусаў, восем — электробусаў, 89 — тралейбусаў, восем — трамваяў. 

Культура

Як вывозілі каштоўнасці з музеяў БССР у канцы 1920-х — пачатку 1930-х гг.

Як вывозілі каштоўнасці з музеяў БССР у канцы 1920-х — пачатку 1930-х гг.

Даследчыкі савецкай індустрыялізацыі традыцыйна бралі пад увагу дзве галоўныя крыніцы яе фінансавання — экспарт сыравіны і сельскагаспадарчай прадукцыі.

Культура

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

У пачатку XX стагоддзя публiцыст, крытык i журналiст Леў Клейнбарт быў уплывовай асобай сярод творчай iнтэлiгенцыi Пецярбурга.

Эканоміка

Студэнцкі попыт на кошт арэнды жылля амаль не паўплываў

Студэнцкі попыт на кошт арэнды жылля амаль не паўплываў

Спецыялісты адзначаюць: добра яшчэ, што рынак выжыў.